മനാമ: കാത്തിരിപ്പിന് വിട. പ്രവാസി സമൂഹത്തിെൻറ ഒരുമയുടെ ആഘോഷമായി ‘ഗൾഫ് മാധ്യമം’ സംഘടിപ്പിക്കുന്ന ‘ഹാർമണിയസ് കേരള’ ഇന്ന് ബഹ്റൈൻ ഇൗസ ടൗണിലെ ഇന്ത്യൻ സ്കൂളിൽ നടക്കും. ഇൻഫർമേഷൻ മന്ത്രാലയത്തിെൻറ രക്ഷാധികാരത്തിൽ വൈകുന്നേരം ആറര മുതൽ തുടങ്ങുന്ന പരിപാടി പ്രവാസ ലോകത്തിന് വേറിട്ട അനുഭവമാകും.
താരശോഭയും ഹാസ്യവും കലയും നിറയുന്ന വേദിയിൽ മലയാളത്തിെൻറ പ്രിയ നടൻ മമ്മൂട്ടി പെങ്കടുക്കും. ഒപ്പം ഗായകൻ പി. ജയചന്ദ്രൻ, മനോജ് കെ ജയൻ, വിധുപ്രതാപ്, മുഹമ്മദ് അഫ്സൽ, നിഷാദ്, ജ്യോത്സന, മീനാക്ഷി, രഹ്ന, ഉല്ലാസ് പന്തളം, നസീർ സംക്രാന്തി, സുശാന്ത് തുടങ്ങിയവരുടെ സാന്നിധ്യം പരിപാടിയുടെ മാറ്റുകൂട്ടും.
ഗാനമേളയും കോമഡി സ്കിറ്റും മറ്റും കോർത്തിണക്കിയ, മണിക്കൂറുകൾ നീണ്ട കലാസ്വാദനത്തിനാണ് ബഹ്റൈൻ സാക്ഷ്യംവഹിക്കുക. സമൂഹത്തിെൻറ വിവിധ മേഖലകളിലുള്ളവർ അണിനിരക്കുന്ന പ്രൗഢമായ സദസ്സ് ഹാർമണിയസ് കേരളയെ വ്യത്യസ്തമായ വേദിയാക്കും. ‘ഗൾഫ് മാധ്യമം’ മാർച്ച് 29 ന് ലുലു ഹൈപ്പർമാർക്കറ്റിെൻറ സഹകരണത്തോടെ സംഘടിപ്പിച്ച ചിത്രരചന മത്സര വിജയികളെ ഹാർമണിയസ് കേരള വേദിയിൽ പ്രഖ്യാപിക്കും. ഇവർക്കുള്ള സമ്മാനദാനവും നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.