മനാമ: ബഹ്റൈന്‍ സന്ദര്‍ശനത്തിനെത്തിയ പാക് സെനറ്റ് ചെയര്‍മാന്‍ മുഹമ്മദ് സാദിഖ് സന്‍ജ ിറാനിയെ ശൂറ കൗണ്‍സില്‍ അധ്യക്ഷന്‍ അലി ബിന്‍ സാലിഹ് അസ്സാലിഹ് സ്വീകരിച്ച് ചർച്ച നടത് തി. അലി സാലിഹിെൻറ ക്ഷണ പ്രകാരമാണ് അദ്ദേഹം ബഹ്റൈനിലെത്തിയത്. ഇരുരാജ്യങ്ങളും തമ്മില്‍ നിലനില്‍ക്കുന്ന ബന്ധവും സഹകരണവും മെച്ചപ്പെട്ട നിലയിലാണെന്ന് ഇരുവരും വിലയിരുത്തി. സന്‍ജിറാനിയുടെ സന്ദര്‍ശനം ബഹ്റൈനുമായുള്ള ബന്ധം ശക്തമാക്കാൻ ഉപകരിക്കുമെന്ന് അലി സാലിഹ് പറഞ്ഞു. ദേശീയ അന്തര്‍ദേശീയ പ്രശ്നങ്ങളും അതില്‍ സ്വീകരിക്കുന്ന നിലപാടുകളും ചര്‍ച്ചക്ക് വിധേയമായി.
ബഹ്റൈനുമായി ബന്ധം ശക്തിപ്പെടുത്താന്‍ പാകിസ്താന് താല്‍പര്യമുള്ളതായി സന്‍ജിറാനി വ്യക്തമാക്കി. കൂടിക്കാഴ്ചയില്‍ ശൂറ കൗണ്‍സില്‍ അംഗങ്ങളായ ഖാലിദ് ഹുസൈന്‍ അല്‍ മസ്കത്തി, ഡോ. ജിഹാദ് അബ്ദുല്ല അല്‍ ഫാദില്‍, ഫുആദ് അഹ്മദ് അല്‍ ഹാജി, ഹാല റംസി ഫായിസ്, ആദില്‍ അബ്ദുറഹ്മാന്‍ അല്‍ മുആവദ എന്നിവരെ കൂടാതെ ബഹ്റൈനിലെ പാക് അംബാസഡര്‍ അഫ്ദാല്‍ മഹ്മൂദും സന്നിഹിതനായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.