നൗഷാദ്​ക്കയുടെ രുചിയോർമയിൽ ബഹ്​റൈനും

മനാമ: രുചിക്കൂട്ടുകളിൽ വിസ്​മയമൊരുക്കിയ നൗഷാദ്​ എന്ന ആരാധകരുടെ നൗഷാദ്​ക്ക വിടവാങ്ങു​േമ്പാൾ സങ്കടപ്പെടുകയാണ്​ ബഹ്​റൈനിലെ പ്രവാസികളും. അദ്ദേഹമൊരുക്കുന്ന ബിരിയാണിയുടെ സുഗന്ധം ആസ്വദിച്ചതി​െൻറ ഒാർമ അത്ര പെ​െട്ടന്നൊന്നും വിട്ടുപോകുന്നതല്ല.

2018 ഫെബ്രുവരിയിലാണ്​ ഉമ്മുൽ ഹസമിൽ 'ദി ബിഗ്​ ഷെഫ്​ നൗഷാദ്'​ റസ്​റ്റാറൻറ്​ ആരംഭിച്ചത്​. പത്തനംതിട്ട തിരുവല്ല സ്വദേശിയാണ്​ കെ. നൗഷാദ്​. സമീപ നാടായ കോഴഞ്ചേരി സ്വദേശിയും നാട്ടി​ലെ പരിചയക്കാരനുമായ സാജനുമായി ചേർന്നാണ്​ ബഹ്​റൈനിലെ സംരംഭത്തിന്​ ടെറസ്​ ഗാർഡനിൽ തുടക്കം ക​ുറിച്ചത്​.

രുചിയുടെ നറുമണം പുറ​േത്തക്ക്​ പരന്നൊഴുകാൻ അധികസമയം വേണ്ടിവന്നില്ല. പ്രത്യേക സ്വാദോടെ തയാറാക്കുന്ന മട്ടൻ ബിരിയാണിയായിരുന്നു ഇവിടത്തെ പ്രത്യേകത.

സൗദിയിൽനിന്നും മറ്റും മലയാളി കുടുംബങ്ങൾ രുചിത്താവളം തേടി ഇവിടെ എത്തി. മാതാവിൽനിന്ന്​ ലഭിച്ചതാണ്​ മട്ടൻ ബിരിയാണിയുടെ രുചിക്കൂ​െട്ടന്ന്​ നൗഷാദ്​ക്ക പറയുമായിരുന്നുവെന്ന്​ സാജൻ ഒാർമിക്കുന്നു. ഇൗദ്​, ബക്രീദ്​ പോലുള്ള വി​ശേഷ ദിവസങ്ങളിൽ മുൻകൂട്ടി ബുക്ക്​ ചെയ്​താണ്​ കുടുംബങ്ങൾ ഇവിടെ മട്ടൻ ബിരിയാണി കഴിക്കാൻ എത്തിയിരുന്നത്​.

ബഹ്​റൈന്​ ശേഷം കുവൈത്തിലും റസ്​റ്റാറൻറ്​ തുടങ്ങി. കോവിഡ്​ -19 വ്യാപനം തുടങ്ങുന്നതുവരെ നൗഷാദ്​ ഇടക്കിടെ ബഹ്​റൈനിൽ വന്നുപോയിരുന്നു. വരുന്ന ഒക്​ടോബറിൽ റസ്​റ്റാറൻറ്​ കൂടുതൽ സജീവമാക്കാനുള്ള ഒരുക്കത്തിലായിരുന്നു നൗഷാദ്​. ഇക്കാര്യം സാജനോട്​ പറയുമായിരുന്നു. എന്നാൽ, ആ സ്വപ്​നം പൂർത്തിയാക്കാൻ കഴിയാതെയാണ്​ അദ്ദേഹം വിടചൊല്ലിയത്​.