ചാനൽസ് ബൈ എസ്.ടി.സി ബഹ്റൈൻ മികച്ച ഡീലർമാർക്കായി സംഘടിപ്പിച്ച ഗാല അവാർഡ് ദിന പരിപാടിയിൽനിന്ന്
മനാമ: എസ്.ടി.സി ഗ്രൂപ്പിന്റെ അനുബന്ധ സ്ഥാപനമായ ചാനൽസ് ബൈ എസ്.ടി.സി ബഹ്റൈൻ മികച്ച ഡീലർമാർക്കായി ഗാല അവാർഡ് ദിനം സംഘടിപ്പിച്ചു. പരിപാടിയിൽ 300ലധികം ഡീലർമാരും ജീവനക്കാരും പങ്കെടുത്തു. കമ്പനിയുടെ എക്‌സിക്യൂട്ടിവ് ടീമും മാനേജർമാരും ചേർന്ന് ക്രൗൺ പ്ലാസയിൽ സംഘടിപ്പിച്ച പരിപാടിയിൽ പങ്കെടുത്തവർക്ക് മെമന്റോ നൽകി ആദരിച്ചു.
സെയിൽസ് ഡിസ്ട്രിബ്യൂഷൻ ഡയറക്ടർ സുകുമാർ സ്വാമിനാഥൻ മുഖ്യ പ്രഭാഷണം നടത്തി. എസ്.ടി.സി ബഹ്റൈൻ കൺട്രി ജനറൽ മാനേജർ മജീദ് അൽഹാഷിലി, എസ്.ടി.സി ബഹ്റൈൻ കൺസ്യൂമർ സെയിൽസ് സീനിയർ ഡയറക്ടർ തരൾ പരേഖ് എന്നിവരും സന്നിഹിതരായിരുന്നു. സൗദി അറേബ്യ, ബഹ്റൈൻ, കുവൈത്ത്, ഒമാൻ എന്നിവിടങ്ങളിൽ സാന്നിധ്യമുള്ള മേഖലയിലെ പ്രമുഖ കമ്പനിയായ എസ്.ടി.സി ഗ്രൂപ്പിന്റെ റീട്ടെയിൽ, വിതരണ വിഭാഗമാണ് ചാനൽസ്.
ചില്ലറ വ്യാപാരം, വിതരണം, ഉപഭോക്തൃ അനുഭവം, മൊബൈൽ ഉപകരണങ്ങൾ, ആക്‌സസറികൾ, മാർക്കറ്റ് റിസർച്, ഐ.സി.ടി, ലാസ്റ്റ്-മൈൽ ഡെലിവറി തുടങ്ങിയ മേഖലകളിൽ ചാനൽസ് ബഹ്റൈൻ വിപുലമായ സേവനങ്ങളാണ് നൽകി വരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.