മനാമ: ബഹ്റൈനിലെ കോഴിക്കോട് സാമൂതിരി ഗുരുവായൂരപ്പൻ കോളജ് പൂർവ വിദ്യാർഥി കൂട്ടായ്മയുടെ കുടുംബസംഗമം മനാമ പാ പ്പിലോൺ പാർട്ടി ഹാളിൽ നടന്നു. ജനറൽ സെക്രട്ടറി അരവിന്ദ് സ്വാഗതം പറഞ്ഞു. ചെയർമാൻ പ്രജി കൂട്ടായ്മയുടെ പ്രവർത്തനങ്ങളെക്കുറിച്ച് സംസാരിച്ചു. കോളജിൽ ഇപ്പോൾ പഠിക്കുന്ന, സാമ്പത്തികമായി പിന്നോക്കം നിൽക്കുന്ന കുട്ടികൾക്കുള്ള സ്കോളർഷിപ്പ് പദ്ധതിയും വിശദീകരിച്ചു.
സംഗീതജ്ഞനും സംരംഭകനുമായ സാലസ് വിൽസൺ ചടങ്ങിൽ മുഖ്യാതിഥിയായിരുന്നു. ഈദ് ആഘോഷങ്ങളുടെ ഭാഗമായി ബഹ്റൈൻ കേരളീയ സമാജം സംഘടിപ്പിച്ച ഒപ്പന, മാപ്പിളപ്പാട്ട് മ ത്സരങ്ങളിൽ പൂർവവിദ്യാർഥി സംഘടനക്കുവേണ്ടി വേണ്ടി ഒന്നും രണ്ടും സ്ഥാനം നേടിയ ടീം അംഗങ്ങളെ ചടങ്ങിൽ ആദരിച്ചു. ഗാനമേള, നൃത്ത-നൃത്യങ്ങൾ, വിനോദ മത്സരങ്ങൾ തുടങ്ങി നിരവധി പരിപാടികൾ നടന്നു.ഫൈൻ ആർട്സ് സെക്രട്ടറി ജെസ്ലി, ജനറൽ ക്യാപ്റ്റൻ ജിജു എന്നിവർ നേതൃത്വം നൽകി. നൂറോളംപേർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.