മനാമ: ക്രൗൺ പ്രിൻസ് എൻഡുറൻസ് കപ്പിനുവേണ്ടിയുള്ള മത്സരത്തിൽ കൂടുതൽ പേർ രജിസ്റ്റർ ചെയ്തതായി അൽ റാഷിദ് എക്യുസ്റ്റേറിയൻ ആൻഡ് ഹോഴ്സ് റേസിങ് ക്ലബ് അറിയിച്ചു. ഖീറിലെ റഫ്ഫ ഏരിയയിലെ റേസ് ട്രാക്കിലാണ് പ്രാഥമികതല മത്സരങ്ങൾ അടുത്ത വെള്ളി നടക്കുക. സിബാർകോ പ്രായോജകരായുള്ള ഈ സീസണിലെ മത്സരം രാജ്യത്തെ ഏറ്റവും വലുതും മികവുറ്റതും കൂടുതൽ പേർ മാറ്റുരക്കുന്നതുമാണ്. ചാമ്പ്യൻഷിപ്പുകളുടെ നിലവാരം ഉയർത്താനാവശ്യമായ നടപടികൾ സ്വീകരിച്ചതായും അൽ റാഷിദ് ഹോഴ്സ് റേസിങ് ക്ലബ് ഭാരവാഹികൾ അറിയിച്ചു. കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫയുടെ പിന്തുണയും പ്രോത്സാഹനവും മത്സരത്തിന് കൂടുതൽ മിഴിവ് പകർന്നിട്ടുള്ളതായും സംഘാടകർ കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.