മനാമ: കോഴിക്കോട് ജില്ലയിലെ തിക്കോടി പ്രദേശത്തുകാരുടെ ഗ്ലോബൽ കൂട്ടായ്മയായ ജി.ടി.എഫ്(ഗ്ലോബൽ തിക്കോടിയൻസ് ഫോറം) ബി.എം.സിയിൽ “ആർപ്പോ ഇർറോ-24”ഓണാഘോഷവും സേവാപുരസ്കാര സമർപ്പണവും സംഘടിപ്പിച്ചു. പരിപാടിയുടെ ഉദ്ഘാടനം ഇന്ത്യൻ സ്കൂൾ ചെയർമാൻ ബിനു മണ്ണിൽ നിർവഹിച്ചു. വിശിഷ്ടാതിഥിയായി ഐ.സി.ആർ.എഫ് ചെയർമാൻ അഡ്വ. വി.കെ. തോമസ് പങ്കെടുത്തു.
ചടങ്ങിൽ, ഈ വർഷത്തെ ജി.ടി.എഫ് സേവാപുരസ്കാരം റഫീഖ് പൊന്നാനിക്ക് സമർപ്പിച്ചു. മഹാത്മ ഗാന്ധി ചിത്രസീരിസിലൂടെ ശ്രദ്ധ പിടിച്ചുപറ്റിയ പ്രശസ്ത ചിത്രകാരൻ ഫ്രാൻസിസ് ആന്റണി കോടങ്കണ്ടത്ത്, ബഹ്റൈനിൽ സന്ദർശനത്തെത്തിയ മുതിർന്ന തിക്കോടിക്കാർ എന്നിവരെയും ചടങ്ങിൽ ആദരിച്ചു.
പ്രസിഡന്റ് രാധാകൃഷ്ണൻ, സെക്രട്ടറി രഞ്ജി സത്യൻ, ചെയർമാൻ അബ്ദുൽറഹിമാൻ അസീൽ, എക്സിക്യൂട്ടിവ് അംഗങ്ങൾ എന്നിവർ പരിപാടിക്ക് നേതൃത്വം നൽകി. അംഗങ്ങളുടെ കലാ കായിക പരിപാടികളും നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.