മികച്ച ജീവനക്കാരെ ഗൾഫ് എയർ ആദരിച്ചപ്പോൾ
മനാമ: യാത്രക്കാർക്ക് മികച്ച സേവനം നൽകുന്നതിൽ അസാധാരണ പ്രകടനം കാഴ്ചവെച്ച പൈലറ്റുമാരും കാബിൻ ക്രൂ അംഗങ്ങളും അടങ്ങുന്ന ജീവനക്കാരെ ഗൾഫ് എയർ ആദരിച്ചു. ഗൾഫ് എയർ ആക്ടിങ് ചീഫ് എക്സിക്യൂട്ടിവ് ഓഫിസർ ക്യാപ്റ്റൻ വലീദ് അൽഅലാവി, എക്സിക്യൂട്ടിവ് മാനേജ്മെന്‍റ് അംഗങ്ങൾ എന്നിവരുടെ നേതൃത്വത്തിലാണ് ആദരിക്കൽ ചടങ്ങ് സംഘടിപ്പിച്ചത്. ഏറ്റവും ഉന്നത നിലവാരത്തിൽ സേവനം നൽകിയ ജീവനക്കാരെ അഭിനന്ദിക്കുന്നതിൽ സന്തോഷമുണ്ടെന്ന് ക്യാപ്റ്റൻ വലീദ് അൽ അലാവി പറഞ്ഞു. അന്താരാഷ്ട്ര വ്യോമയാന രംഗത്ത് ബഹ്റൈന്റെയും ഗൾഫ് എയറിന്റെയും യശസ്സുയർത്തുന്ന അംബാസഡർമാരാണ് ഈ ജീവനക്കാർ.
എയർലൈനെ കൂടുതൽ ഉയരങ്ങളിലേക്ക് നയിക്കാൻ ഇവർക്ക് സാധിക്കുമെന്നും അദ്ദേഹം പറഞ്ഞു. മികച്ച സേവനം നൽകാൻ പ്രാപ്തരാക്കുന്ന രീതിയിൽ ജീവനക്കാർക്ക് കൂടുതൽ പരിശീലനം നൽകുന്നതിലും ഗൾഫ് എയർ ശ്രദ്ധചെലുത്തുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.