മോ​ശം പ്ര​ക​ട​നം കാ​ര​ണം ജോ​ലി​യി​ൽ​നി​ന്ന് പി​രി​ച്ചു​വി​ടാ​നാ​കു​മോ?

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം.

? മോ​ശം പ്ര​ക​ട​നം കാ​ര​ണം നോ​ട്ടീ​സ് ന​ൽ​കാ​തെ ജോ​ലി​യി​ൽ​നി​ന്ന് പി​രി​ച്ചു​വി​ടാ​ൻ തൊ​ഴി​ൽ നി​യ​മ​ത്തി​ൽ വ്യ​വ​സ്ഥ​യു​ണ്ടോ? -രാ​ജ​ൻ

ക​രാ​ർ പ്ര​കാ​ര​മു​ള്ള തൊ​ഴി​ൽ ചെ​യ്യാ​ൻ ക​ഴി​വ് കു​റ​വാ​ണെ​ന്നു​ള്ള കാ​ര​ണം കൊ​ണ്ട് ജോ​ലി​യി​ൽ​നി​ന്ന് പി​രി​ച്ചു​വി​ടാ​ൻ പാ​ടി​ല്ല. ഈ ​കാ​ര​ണം കൊ​ണ്ട് തൊ​ഴി​ൽ ക​രാ​ർ റ​ദ്ദ് ചെ​യ്യ​ണ​മെ​ങ്കി​ൽ തൊ​ഴി​ലാ​ളി​ക്ക് കു​റ​ഞ്ഞ​ത് 60 ദി​വ​സ​ത്തെ സ​മ​യം സ്വ​യം മെ​ച്ച​പ്പെ​ടു​ത്താ​ൻ അ​ല്ലെ​ങ്കി​ൽ ക​ഴി​വു​തെ​ളി​യി​ക്കാ​ൻ ന​ൽ​ക​ണം. എ​ന്നി​ട്ടും ക​ഴി​വ് തെ​ളി​യി​ക്കാ​ൻ സാ​ധി​ക്കു​ന്നി​ല്ലെ​ങ്കി​ൽ കു​റ​ഞ്ഞ​ത് 30 ദി​വ​സ​ത്തെ നോ​ട്ടീ​സ് ന​ൽ​കി തൊ​ഴി​ൽ ക​രാ​ർ റ​ദ്ദാ​ക്കാ​ൻ തൊ​ഴി​ലു​ട​മ​ക്ക് സാ​ധി​ക്കും. ക​രാ​ർ റ​ദ്ദാ​ക്കു​മ്പോ​ൾ തൊ​ഴി​ലാ​ളി​ക്ക് ന​ൽ​കേ​ണ്ട എ​ല്ലാ ആ​നു​കൂ​ല്യ​ങ്ങ​ളും ന​ൽ​ക​ണം. അ​താ​യ​ത്, ശ​മ്പ​ളം, അ​വ​ധി ബാ​ക്കി​യു​ണ്ടെ​ങ്കി​ൽ അ​തി​​ന്റെ ശ​മ്പ​ളം, ലീ​വി​ങ് ഇ​ൻ​ഡെ​മ്നി​റ്റി, സ​ർ​വി​സ് സ​ർ​ട്ടി​ഫി​ക്ക​റ്റ് എ​ന്നി​വ.

? ഇ​വി​ടെ ഒ​രു ക​മ്പ​നി​യി​ൽ അ​വ​രു​ടെ വി​സ​യി​ൽ ജോ​ലി​ചെ​യ്യു​​മ്പോ​ൾ വേ​റെ പാ​ർ​ട് ടൈം ​ജോ​ലി​യോ മ​റ്റെ​ന്തെ​ങ്കി​ലും കാ​ര്യ​മോ ചെ​യ്യു​ന്ന​തി​ന് നി​യ​മ​ത​ട​സ്സ​മു​ണ്ടോ?  -റ​സാ​ഖ്

എ​ൽ.​എം.​ആ​ർ.​എ നി​യ​മ​പ്ര​കാ​രം തൊ​ഴി​ൽ വി​സ​യി​ൽ പ​റ​ഞ്ഞി​രി​ക്കു​ന്ന തൊ​ഴി​ലു​ട​മ​യു​ടെ കൂ​ടെ അ​ല്ലാ​തെ ​വേ​റെ ഒ​രു സ്ഥ​ല​ത്തും ജോ​ലി ചെ​യ്യാ​ൻ പാ​ടി​ല്ല. അ​തു​പോ​ലെ, വി​സ​യി​ൽ പ​റ​ഞ്ഞി​രി​ക്കു​ന്ന ​സ്ഥ​ല​ത്തും അ​തേ ജോ​ലി​യും മാ​ത്ര​മേ ചെ​യ്യാ​ൻ പാ​ടു​ള്ളൂ. ഈ ​വ്യ​വ​സ്ഥ​ക​ളെ​ല്ലാം എ​ൽ.​എം.​ആ​ർ.​എ വ​ള​രെ ക​ർ​ശ​ന​മാ​യി പ​രി​ശോ​ധി​ക്കു​ന്നു​ണ്ട്. നി​യ​മ​ലം​ഘ​നം ഉ​ണ്ടെ​ങ്കി​ൽ അ​തി​ന് ന​ട​പ​ടി​യും എ​ടു​ക്കു​ന്നു​ണ്ട്. ഇ​ത് സം​ബ​ന്ധ​മാ​യ വ്യ​വ​സ്ഥ​ക​ൾ തൊ​ഴി​ൽ നി​യ​മ​ത്തി​ലു​ണ്ട്. ഒ​രു തൊ​ഴി​ലാ​ളി സ്വ​ന്ത​മാ​യോ മ​റ്റാ​​രെ​ങ്കി​ലും മു​ഖേ​ന​യോ താ​ഴെ പ​റ​യു​ന്ന കാ​ര്യ​ങ്ങ​ൾ ചെ​യ്യാ​ൻ പാ​ടി​ല്ല;

തൊ​ഴി​ൽ സം​ബ​ന്ധ​മാ​യ എ​ന്തെ​ങ്കി​ലും രേ​ഖ​ക​ൾ സ്വ​ന്ത​മാ​യി സൂ​ക്ഷി​ക്കാ​ൻ പാ​ടി​ല്ല.

ശ​മ്പ​ള​ത്തി​നോ അ​ല്ലാ​തെ​യോ മ​റ്റൊ​രു ജോ​ലി​യും ചെ​യ്യാ​ൻ പാ​ടി​ല്ല.

ബാ​ങ്കി​ൽ​നി​ന്ന​ല്ലാ​തെ തൊ​ഴി​ലു​ട​മ​യു​ടെ ഇ​ട​പാ​ടു​കാ​രി​ൽ​നി​ന്നോ മ​റ്റാ​രു​ടെ​യെ​ങ്കി​ലും കൈ​യി​ൽ​നി​ന്നോ പ​ണം ക​ടം വാ​ങ്ങാ​ൻ പാ​ടി​ല്ല.

തൊ​ഴി​ലു​ട​മ​യു​ടെ സ​മ്മ​ത​മി​ല്ലാ​തെ ക​മീ​ഷ​ൻ, സ​മ്മാ​നം തു​ട​ങ്ങി​യ ഉ​പ​ഹാ​ര​ങ്ങ​ളൊ​ന്നും സ്വീ​ക​രി​ക്ക​രു​ത്. അ​തു​പോ​ലെ, സം​ഭാ​വ​ന വാ​ങ്ങു​ക​യോ ഒ​പ്പു ശേ​ഖ​രി​ക്കു​ക​യോ യോ​ഗം ചേ​രു​ക​​യോ പാ​ടി​ല്ല.