മനാമ: ഗുരുതര രോഗങ്ങൾ പിടിപെട്ടാൽ ചികിത്സക്കുള്ള ചെലവ് പല പ്രവാസികൾക്കും താങ്ങാൻ കഴിയില്ല. തുച്ഛ ശമ്പളത്തിന് ജോലി ചെയ്യുന്ന പ്രവാസികൾക്ക് കുടുംബ പ്രാരബ്ധങ്ങൾക്കൊപ്പം ചികിത്സ ചെലവ് കൂടി വന്നാൽ ജീവിതം വഴിമുട്ടും. കോവിഡ് പ്രതിസന്ധിയായതോടെ പ്രവാസികളുടെ ദുരിതവും ഇരട്ടിയായി.
ചികിത്സക്കുള്ള പ്രവാസികളുടെ ബദ്ധിമുട്ട് കണ്ടറിഞ്ഞാണ് ആരോഗ്യ ഇൻഷുറൻസ് പദ്ധതിയുമായി നോർക്ക റൂട്ട്സ് രംഗത്തെത്തിയത്. നിരവധി പേർ ഇൗ പദ്ധതിയുടെ ആനുകൂല്യം ഇതിനകം സ്വന്തമാക്കി. എന്നാൽ, ഇൗ പോളിസി അറിയാത്ത ഏറെപ്പേർ ഇപ്പോഴുമുണ്ട്.
കുറഞ്ഞ നിരക്കിൽ ആരോഗ്യ പരിരക്ഷ
പ്രവാസികൾക്ക് ഏറ്റവും കുറഞ്ഞ നിരക്കില്‍ ആരോഗ്യ പരിരക്ഷ നൽകാൻ ലക്ഷ്യമിട്ടാണ് പ്രവാസിരക്ഷ ഇന്‍ഷുറന്‍സ് പോളിസി സര്‍ക്കാര്‍ ആരംഭിച്ചത്. 18നും 60നും മധ്യേ പ്രായമുള്ള പ്രവാസികള്‍ക്കും അവരോടൊപ്പം വിദേശത്തു താമസിക്കുന്ന കുടുംബങ്ങള്‍ക്കും പദ്ധതിയിൽ ചേരാം. 13 ഗുരുതര രോഗങ്ങള്‍ക്ക് പ്രതിവര്‍ഷം 550 രൂപനിരക്കില്‍ ഒരു ലക്ഷം രൂപവരെയുള്ള ഇന്‍ഷുറന്‍സ് പരിരക്ഷയാണ് പദ്ധതിയിലൂടെ ലഭിക്കുന്നത്. കൂടാതെ, അപകടം മൂലമുള്ള മരണത്തിന് രണ്ടു ലക്ഷം രൂപയുടെയും സ്ഥിരമോ ഭാഗികമോ ആയ അംഗവൈകല്യങ്ങൾക്ക് പരമാവധി ലക്ഷം രൂപയുടെയും പരിരക്ഷ ഇൗ പോളിസിയിലൂടെ ലഭിക്കും. അപേക്ഷകർ ആറുമാസത്തിൽ കുറയാത്ത വിസയോ റസിഡൻറ് പെർമിറ്റോ ഉള്ളവരാകണം. പ്രവാസി െഎഡൻറിറ്റി കാർഡ് ഉള്ളവർക്കും പ്രവാസി രക്ഷ ഇൻഷുറൻസ് പോളിസിയിൽ അംഗമാകാൻ കഴിയും.
അഞ്ചു പ്രവൃത്തി ദിവസത്തിനുള്ളിൽ സർട്ടിഫിക്കറ്റ്
നോര്‍ക്ക റൂട്സ് വെബ്സൈറ്റ് വഴി അനുബന്ധ രേഖകളും ഫീസും സഹിതം അപേക്ഷിച്ചാൽ അഞ്ച് പ്രവൃത്തി ദിവസത്തിനുള്ളിൽ പോളിസി സർട്ടിഫിക്കറ്റ് ഡൗൺലോഡ് ചെയ്യാം. പ്രവാസിയുടെ വിദേശത്തുള്ള കുടുംബാംഗങ്ങൾക്ക് വെവ്വേറെ അപേക്ഷ സമർപ്പിക്കണം. പോളിസി അനുവദിച്ച തീയതി മുതൽ 30 ദിവസത്തിന് ശേഷം മാത്രമാണ് െക്ലയിമിന് അപേക്ഷിക്കാൻ സാധിക്കുക.
ഇൻഷുറൻസ് െക്ലയിം ഫോറം വെബ്സൈറ്റിൽനിന്ന് ഡൗൺലോഡ് ചെയ്യാം. െക്ലയിം ഫോറവും അതോടൊപ്പം നൽകേണ്ട സർട്ടിഫിക്കറ്റും അനുബന്ധ രേഖകളും സഹിതം നോർക്ക റൂട്ട്സ് ചീഫ് എക്സിക്യൂട്ടിവ് ഒാഫിസർക്കാണ് അപേക്ഷ സമർപ്പിക്കേണ്ടത്. പൂരിപ്പിച്ച് ഒപ്പിട്ട െക്ലയിം ഫോറത്തിനൊപ്പം പാസ്പോർട്ടിെൻറ മുൻപേജ്, അഡ്രസ് പേജ്, വിസ, റസിഡൻറ് പെർമിറ്റ്, ഇക്കാമ എന്നിവയുടെ കോപ്പിയും ഫോേട്ടായും ഹാജരാക്കണം. ഇന്ത്യയിലും വിദേശത്തുമുള്ള സ്പെഷലിസ്റ്റ് രജിസ്ട്രേഡ് മെഡിക്കൽ പ്രാക്ടീഷണർ നൽകുന്ന മെഡിക്കൽ സർട്ടിഫിക്കറ്റുകൾ സ്വീകരിക്കുന്നതാണ്. രോഗനിർണയത്തിനുശേഷം 30 ദിവസത്തിനുള്ളിൽ െക്ലയിമിനുള്ള അപേക്ഷ സമർപ്പിക്കണം. പ്രവാസിയുടെ നാട്ടിലുള്ള കുടുംബാംഗങ്ങൾക്ക് പോളിസിയുടെ ആനുകൂല്യം ലഭിക്കില്ല. െക്ലയിം തുക ഇൻഷുറൻസ് കമ്പനി നോർക്ക റൂട്ട്സിന് കൈമാറുകയാണ് ചെയ്യുക. നോർക്ക റൂട്ട്സ് ഇൗ തുക അപേക്ഷകെൻറ അക്കൗണ്ടിലേക്ക് നൽകും.
പോളിസി ഇഷ്യു ചെയ്യും മുമ്പ് 48 മാസത്തിനുള്ളിൽ ഏതെങ്കിലും രോഗലക്ഷണങ്ങളോ രോഗമോ കണ്ടെത്തുകയോ ചികിത്സ തേടുകയോ ചെയ്താൽ അവ പ്രീ എക്സിസ്റ്റിങ് ഇൽനെസ് എന്ന് കരുതപ്പെടുന്നു. ഇത്തരം രോഗങ്ങൾക്ക് 48 മാസം (നാലു വർഷം) തുടർച്ചയായി പോളിസി കവറേജ് കഴിയുന്നതുവരെ പരിരക്ഷ ലഭിക്കില്ല.
കാലാവധി ഒരു വർഷം
പ്രവാസി രക്ഷ ഇൻഷുറന്‍സ് പോളിസി കാലാവധി ഒരു വർഷമാണ്. കാലാവധി തീരുന്നതിന് 30 ദിവസം മുമ്പ് പോളിസി പുതുക്കാൻ അപേക്ഷ സമർപ്പിക്കാം. പോളിസി രേഖകൾ നഷ്ടപ്പെട്ടാൽ നോർക്ക റൂട്ട്സ് വെബ്സൈറ്റിൽ ലോഗിൻ ചെയ്ത് പോളിസി സർട്ടിഫിക്കറ്റ് ഡൗൺലോഡ് ചെയ്യാം. ന്യൂ ഇന്ത്യ അഷ്വറന്‍സ് കമ്പനിയാണ് സേവനദാതാക്കള്‍. നോര്‍ക്ക റൂട്ട്സി‍െൻറ www.norkaroots.org എന്ന വെബ്സൈറ്റിലെ സര്‍വിസ് വിഭാഗത്തില്‍ പ്രവാസി ഐഡി കാര്‍ഡ് സെക്ഷനില്‍ നിന്നും ഈ പദ്ധതിയിലേക്ക് അപേക്ഷയും ഫീസും ഓണ്‍ലൈനായി സമര്‍പ്പിക്കാം.
(തുടരും)
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.