പതിനേഴിന്റെ അഴകിൽ 'ഖൽബാണ്​ ഫാത്തിമ'

മ​നാ​മ: നെ​ഞ്ചി​നു​ള്ളി​ലെ പ്ര​ണ​യ​ത്തി​​ന്റെ വേ​ദ​ന​യി​ല​ലി​ഞ്ഞ്​ താ​ജു​ദ്ദീ​ൻ വ​ട​ക​ര പാ​ടി​യ​പ്പോ​ൾ അ​ത്​ കേ​ര​ള​ക്ക​ര ഏ​റ്റെ​ടു​ത്ത ഹി​റ്റ്​ പാ​ട്ടു​ക​ളി​ലൊ​ന്നാ​യി മാ​റി. 17 വ​ർ​ഷം പി​ന്നി​ട്ട 'ഖ​ൽ​ബാ​ണ്​ ഫാ​ത്തി​മ' എ​ന്ന ആ​ൽ​ബ​ത്തി​ലെ 'നെ​ഞ്ചി​നു​ള്ളി​ൽ നീ​യാ​ണ്....' എ​ന്ന ഗാ​നം കേ​ൾ​ക്കാ​ത്ത മ​ല​യാ​ളി​ക​ളി​ല്ലെ​ന്ന്​ പ​റ​യാം. അ​ന്ന​ത്തെ ആ​ൽ​ബ​ത്തി​​ന്റെ അ​ണി​യ​റ​യി​ൽ പ്ര​വ​ർ​ത്തി​ച്ച​വ​ർ ചേ​ർ​ന്ന്​ പു​തി​യൊ​രു ആ​ൽ​ബം ഇ​റ​ക്കാ​നു​ള്ള ഒ​രു​ക്ക​ത്തി​ലാ​ണ്​ ഇ​​പ്പോ​ൾ. മ​ല​യാ​ളി​ക​ളു​ടെ നാ​വി​ൻ​തു​മ്പി​ൽ പ​റ്റി​ച്ചേ​ർ​ന്നു​കി​ട​ന്ന ആ ​പാ​ട്ടി​​ന്റെ ഓ​ർ​മ​യി​ൽ പി​റ​ക്കു​ന്ന പു​തി​യ ആ​ൽ​ബ​വും ഹി​റ്റാ​കു​മെ​ന്ന പ്ര​തീ​ക്ഷ​യു​ണ്ടെ​ന്ന്​​ ഗാ​ന​ര​ച​യി​താ​വാ​യ ആ​ഷി​ർ വ​ട​ക​ര​ക്കൊ​പ്പം ബ​ഹ്​​റൈ​നി​ലെ​ത്തി​യ താ​ജു​ദ്ദീ​ൻ വ​ട​ക​ര 'ഗ​ൾ​ഫ്​ മാ​ധ്യ​മ'​ത്തോ​ട്​ പ​റ​ഞ്ഞു. എ​ട്ടു​വ​ർ​ഷ​ത്തെ ഇ​ട​വേ​ള​ക്കു​ശേ​ഷ​മാ​ണ്​ താ​ജു​ദ്ദീ​ൻ ബ​ഹ്​​റൈ​നി​ൽ സം​ഗീ​ത പ​രി​പാ​ടി അ​വ​ത​രി​പ്പി​ക്കാ​ൻ എ​ത്തു​ന്ന​ത്. ഒ​ന്ന​ര പ​തി​റ്റാ​ണ്ട്​ മു​മ്പ​ത്തെ പാ​ട്ട്​ എ​ത്ര ഹി​റ്റാ​യി​രു​ന്നു​വെ​ന്ന്​ ഇ​പ്പോ​ഴാ​ണ്​ മ​ന​സ്സി​ലാ​ക്കു​ന്ന​തെ​ന്ന്​ താ​ജു​ദ്ദീ​ൻ പ​റ​ഞ്ഞു. ജ​ന​ങ്ങ​ളു​ടെ നി​ഷ്ക​ള​ങ്ക​മാ​യ സ്​​നേ​ഹ​വും ആ​ദ​ര​വും ഏ​റ്റു​വാ​ങ്ങു​ന്ന​ത്​ ആ ​പാ​ട്ടി​​ന്റെ പേ​രി​ലാ​ണ്.

നാ​ട്ടി​ൽ ചെ​റി​യ ഗാ​ന​മേ​ള​യും പാ​ട്ടു​ക​ളു​മൊ​ക്കെ​യാ​യി ന​ട​ക്കു​ന്ന കാ​ല​ത്താ​ണ്​ സ്വ​ന്ത​മാ​യി ഒ​രു ആ​ൽ​ബം ചെ​യ്താ​ലെ​ന്ത്​ എ​ന്ന ചി​ന്ത​വ​രു​ന്ന​ത്. ആ​ഷി​ർ വ​ട​ക​ര​ക്കൊ​പ്പം പാ​ട്ടു​ക​ൾ ത​യാ​റാ​ക്കി നി​ര​വ​ധി ഓ​ഡി​യോ ക​മ്പ​നി​ക​ളെ സ​മീ​പി​ച്ചെ​ങ്കി​ലും നി​രാ​ശ​യാ​യി​രു​ന്നു ഫ​ലം. ഒ​ടു​വി​ൽ നാ​ട്ടു​കാ​രാ​യ ര​ണ്ടു​പേ​രാ​ണ്​​ പ്രൊ​ഡ്യൂ​സ​റാ​കാ​ൻ സ​മ്മ​തി​ച്ച​ത്. കോ​ഴി​ക്കോ​ട്​ വെ​ള്ളി​മാ​ടു​കു​ന്നി​ലെ ഷൈ​ൻ സ്​​റ്റു​ഡി​യോ​യി​ൽ വെ​ച്ചാ​ണ്​ റെ​ക്കോ​ഡി​ങ്​ ന​ട​ന്ന​ത്. നെ​ഞ്ചി​നു​ള്ളി​ൽ നീ​യാ​ണ്​ എ​ന്ന പാ​ട്ട്​ ഗാ​യ​ക​ൻ അ​ഫ്​​സ​ലി​നെ​ക്കൊ​ണ്ട്​ പാ​ടി​ക്കാ​നാ​ണ്​ ആ​ദ്യം ഉ​ദ്ദേ​ശി​ച്ചി​രു​ന്ന​ത്. അ​ഫ്​​സ​ലി​നു​വേ​ണ്ടി പാ​ട്ടി​​ന്റെ ട്രാ​ക്ക്​ ​പാ​ടു​ന്ന​തു​കേ​ട്ട്​ സ്റ്റു​ഡി​യോ​യി​ലെ സൗ​ണ്ട്​ എ​ൻ​ജി​നീ​യ​റാ​യ സ​തീ​ഷ്​ ബാ​ബു​വാ​ണ്​ താ​ജു​ദ്ദീ​​​ന്റെ ശ​ബ്​​ദ​ത്തി​​ന്റെ പ്ര​ത്യേ​ക​ത തി​രി​ച്ച​റി​ഞ്ഞ​ത്. അ​ദ്ദേ​ഹ​ത്തി​​ന്റെ നി​ർ​ബ​ന്ധ​ത്തി​ൽ താ​ജു​ദ്ദീ​ൻ ത​ന്നെ ആ ​പാ​ട്ട്​ പാ​ടു​ക​യാ​യി​രു​ന്നു.

റെ​ക്കോ​ഡി​ങ്​ പൂ​ർ​ത്തി​യാ​ക്കി​യ​ശേ​ഷം കാ​സ​റ്റ്​ വി​ൽ​പ​ന ന​ട​ത്തി​യ​തും താ​ജു​ദ്ദീ​നും കൂ​ട്ടു​കാ​രും ത​​ന്നെ​യാ​യി​രു​ന്നു. അ​ന്ന്​ വ​ട​ക​ര​യി​ൽ റെ​ഡ്​​മെ​യ്​​ഡ്​ ഷോ​പ്പി​ൽ ജോ​ലി ചെ​യ്യു​ക​യാ​യി​രു​ന്നു താ​ജു​ദ്ദീ​ൻ. റോ​ഡി​ലി​റ​ങ്ങു​മ്പോ​ൾ ടാ​ക്സി ജീ​പ്പു​ക​ളി​ൽ​നി​ന്നും ബ​സി​ൽ​നി​ന്നു​മൊ​ക്കെ 'നെ​ഞ്ചി​നു​ള്ളി​ൽ നീ​യാ​ണ്'​ എ​ന്ന ഗാ​നം കേ​ൾ​ക്കു​മ്പോ​ൾ മ​ന​സ്സ് നി​റ​ഞ്ഞു. പി​ന്നീ​ട്​ 'ഫാ​ത്തി​മ' ത​രം​ഗ​മാ​യി പ​ര​ന്നൊ​ഴു​കു​ക​യാ​യി​രു​ന്നു. പ്ര​ശ​സ്ത മാ​പ്പി​ള​പ്പാ​ട്ട്​ ഗാ​യ​ക​നാ​യ വ​ട​ക​ര എം. ​കു​ഞ്ഞി​മൂ​സ​യു​ടെ മ​ക​നാ​യ താ​ജു​ദ്ദീ​ൻ ഉ​പ്പ​ക്ക്​ ല​ഭി​​ക്കേ​ണ്ട അം​ഗീ​കാ​രം മ​ക​നി​ലൂ​ടെ ല​ഭി​ക്കു​ന്നു എ​ന്നാ​ണ്​ വി​ശ്വ​സി​ക്കു​ന്ന​ത്. അ​പാ​ര​മാ​യ ക​ഴി​വു​ക​ളു​ണ്ടാ​യി​രു​ന്ന ഉ​പ്പ​ക്ക്​ ജ​ന​ങ്ങ​ൾ ന​ൽ​കു​ന്ന അം​ഗീ​കാ​ര​മാ​ണ്​ ഇ​തെ​ന്ന്​ അ​ദ്ദേ​ഹം പ​റ​യു​ന്നു.

പാ​ട്ടു​ക​ൾ ജ​ന​ങ്ങ​ൾ​ക്ക്​ ഇ​ഷ്ട​പ്പെ​ടു​ന്ന രൂ​പ​ത്തി​ൽ അ​വ​ത​രി​പ്പി​ക്ക​ണ​മെ​ന്ന പ​ക്ഷ​ക്കാ​ര​നാ​ണ്​ താ​ജു​ദ്ദീ​ൻ. ജ​ന​ങ്ങ​ളെ​ക്കൊ​ണ്ട്​ വീ​ണ്ടും വീ​ണ്ടും ഏ​റ്റു​പാ​ടി​ക്കാ​ൻ ക​ഴി​യു​ന്ന​തി​ൽ കൂ​ടു​ത​ലൊ​രു അം​ഗീ​കാ​രം ഗാ​യ​ക​ന്​ കി​ട്ടാ​നി​ല്ല. അ​ങ്ങ​നെ ജ​ന​ങ്ങ​ൾ ഏ​റ്റു​പാ​ടി​യ പാ​ട്ടി​ന്​ ജ​ന്മം​കൊ​ടു​ക്കാ​ൻ ക​ഴി​ഞ്ഞ​തി​​ന്റെ ആ​ത്മ​ഹ​ർ​ഷ​മാ​ണ് താ​ജു​ദ്ദീ​ൻ വ​ട​ക​ര പ​ങ്കു​വെ​ക്കു​ന്ന​ത്.