രാജാവ് ഹമദ് ബിൻ ഈസ ആൽ ഖലീഫ അമേരിക്കൻ പ്രസിഡന്‍റ് ജോ ബൈഡനൊപ്പം
മനാമ: രാജാവ് ഹമദ് ബിൻ ഈസ ആൽ ഖലീഫ അമേരിക്കൻ പ്രസിഡന്‍റ് ജോ ബൈഡനുമായി കൂടിക്കാഴ്ച നടത്തി.സൗദി അറേബ്യയിലെ ജിദ്ദയിൽ നടന്ന സുരക്ഷ, വികസന ഉച്ചകോടിക്കിടെയായിരുന്നു കൂടിക്കാഴ്ച. കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫയും ഒപ്പമുണ്ടായിരുന്നു.
അമേരിക്കയും ബഹ്റൈനും തമ്മിലുള്ള ശക്തമായ ബന്ധത്തെ പ്രകീർത്തിച്ച ഹമദ് രാജാവ് ജിദ്ദ ഉച്ചകോടിയിൽ പങ്കെടുത്ത അമേരിക്കൻ പ്രസിഡന്‍റിനെ അഭിനന്ദിക്കുകയും ചെയ്തു.
ഇരു രാജ്യങ്ങളും തമ്മിലുള്ള ബന്ധം ശക്തിപ്പെടുത്തുന്നതിൽ പ്രസിഡന്‍റ് ബൈഡെന്‍റ താൽപര്യത്തെയും രാജാവ് അഭിനന്ദിച്ചു. മേഖലയിലെയും അന്താരാഷ്ട്ര തലത്തിലെയും സുരക്ഷയും സുസ്ഥിരതയും ഉറപ്പുവരുത്തുന്നതിന് പരസ്പര സഹകരണം വർധിപ്പിക്കേണ്ടതിെന്‍റ പ്രാധാന്യത്തെക്കുറിച്ചും ഉഭയകക്ഷി വിഷയങ്ങളും ഇരുവരും ചർച്ച ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.