മനാമ: പാലക്കാട് ആർട്സ് ആൻഡ് കൾചറൽ തിയറ്റർ (പി.എ.എ.സി,ടി) ഇന്ത്യൻ ഡിലൈറ്റ് റസ്റ്റാറന്റിൽ വെച്ച് വിദ്യാർഥികളെ ആദരിക്കുന്ന ചടങ്ങ് നടത്തി. മുഖ്യാതിഥിയായി ഡോ. രവി വാര്യർ, വിശിഷ്ടാതിഥിയായി പത്മകുമാർ നായർ, ഇന്ററാക്ടീവ് സെഷൻ ലീഡ് സജിത സതീഷ് എന്നിവർ പങ്കെടുത്തു. ബഹ്‌റൈനിലെ വിവിധ സ്‌കൂളുകളിലെ (10, 12 ക്ലാസ്) 42 കുട്ടികളെയും രക്ഷിതാക്കളെയും ആദരിച്ചു.
ബഹ്‌റൈനിലും പുറത്തുമുള്ള അംഗങ്ങളുടെ മക്കളായ എല്ലാ വിദ്യാർഥികളെയും അഭിനന്ദിക്കുന്നതായും 17ാം വർഷമാണ് ഇത്തരമൊരു പരിപാടി വിജയകരമായി നടത്തുന്നതെന്നും ചീഫ് കോഓഡിനേറ്റർ ജ്യോതി മേനോൻ പറഞ്ഞു. പുതിയ എക്‌സിക്യൂട്ടിവ് കമ്മിറ്റി അംഗങ്ങളായ ജഗദീഷ് കുമാർ, സുധീർ, ഷീബ ശശി എന്നിവരെ ജ്യോതി മേനോൻ പരിചയപ്പെടുത്തി. ബഹ്റൈൻ സന്ദർശിക്കുന്ന അംഗങ്ങളുടെ മാതാപിതാക്കളെയും ആദരിക്കുന്നുവെന്ന് പ്രസിഡന്‍റ് അശോക് കുമാറും ജനറൽ സെക്രട്ടറി സതീഷും പറഞ്ഞു. അസിസ്റ്റന്‍റ് സെക്രട്ടറി ദീപക് വിജയൻ നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.