മനാമ: തടവുകാരെ പീഡിപ്പിച്ച സംഭവത്തില് 12 പൊലീസുകാരെ റിമാൻറ് ചെയ്തതായി പ്രത്യേക അന്വേഷണ വിഭാഗം അറിയിച്ചു. ഈ വര്ഷം ആദ്യ പാദത്തില് 29 പരാതികളാണ് പീഡനവുമായി ബന്ധപ്പെട്ട് ലഭിച്ചിട്ടുള്ളത്. ശാരീരിക പീഡനം, മോശം പെരുമാറ്റം, അമിത ശക്തി പ്രയോഗം എന്നിവയാണ് ആരോപിക്കപ്പെട്ടിരിക്കുന്നത്. മുഴുവന് പരാതികളും അന്വേഷിക്കുകയും പ്രതികള്ക്കെതിരെ നടപടി സ്വീകരിക്കുകയും ചെയ്യുമെന്ന് ഇന്വെസ്റ്റിഗേഷന് ഡിപ്പാര്ട്ട്മെന്റ് അറിയിച്ചു. ഇക്കാലയളവില് 63 പരാതിക്കാരില് നിന്നും 41 സാക്ഷികളില് നിന്നും തെളിവെടുപ്പ് നടത്തിയിരുന്നു. പരാതി ഉന്നയിക്കപ്പെട്ട 67 പേര് പൊലീസ് വിഭാഗത്തില് നിന്നുള്ളവരാണ്. ഇവരുടെ തെളിവെടുപ്പും വിചാരണയും സമയബന്ധിതമായി നടപ്പക്കുമെന്ന് ബന്ധപ്പെട്ടവര് അറിയിച്ചു. ജോവ് ജയിലില് നിന്നും ഏപ്രില് 11 നാണ് പരാതി ലഭിച്ചത്. പരാതി ലഭിച്ചയുടന് ഇതുമായി ബന്ധപ്പെട്ട അന്വേഷണങ്ങള്ക്ക് തുടക്കമിട്ടതായും ബന്ധപ്പെട്ടവര് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.