പി.എം. അബ്ദുൽ നാസറിന് ടി.എം.ഡബ്ല്യു.എ ബഹ്റൈൻ ചാപ്റ്റർ സ്വീകരണം നൽകിയപ്പോൾ
മനാമ: ഹ്രസ്വ സന്ദർശനാർഥം ബഹ്‌റൈനിലെത്തിയ പുന്നോൽ തണൽ ഫൗണ്ടേഷൻ പ്രതിനിധി പി.എം. അബ്ദുൽ നാസറിന് ടി.എം.ഡബ്ല്യ.എ ബഹ്റൈൻ ചാപ്റ്റർ സ്വീകരണം നൽകി. പ്രസിഡന്‍റ് വി.പി. അബ്ദു റസാഖ് അധ്യക്ഷത വഹിച്ച ചടങ്ങിൽ ജനറൽ സെക്രട്ടറി അബ്ദു റഹ്മാൻ പാലിക്കണ്ടി സ്വാഗതം പറഞ്ഞു.
പുന്നോൽ, തലശ്ശേരി, മാഹി, പെരിങ്ങാടി, ചൊക്ലി എന്നീ സ്ഥലങ്ങൾ കേന്ദ്രീകരിച്ച് സമൂഹത്തിലെ പാർശ്വവത്കരിക്കപ്പെട്ടവർക്കിടയിൽ, പ്രത്യേകിച്ച് ദരിദ്രരായ രോഗികൾക്കിടയിൽ തണൽ ഫൗണ്ടേഷൻ നടത്തുന്ന പ്രവർത്തനങ്ങൾ തികച്ചും ശ്ലാഘനീയമാണെന്ന് വൈസ് പ്രസിഡന്‍റ് സി.എച്ച്. റഷീദ് പറഞ്ഞു. തന്റെ മറുപടി പ്രസംഗത്തിൽ തണലിന്റെ പ്രവർത്തനങ്ങളെക്കുറിച്ച് അബ്ദുന്നാസർ ഹ്രസ്വ വിവരണം നടത്തി.
നാലു പതിറ്റാണ്ടുകൾക്കുശേഷം തന്റെ പ്രവാസ ജീവിതത്തിൽനിന്നു വിടവാങ്ങുന്ന ടി.എം.ഡബ്ല്യു.എ സീനിയർ മെംബർ കെ.പി. റഹീസിന് ചടങ്ങിൽ യാത്രയയപ്പ് നൽകി. റെനീഷ് നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.