മനാമ: മൂന്നു വർഷമായി ബഹ്‌റൈനിലെ പ്രശസ്‌തരായ ക്രിക്കറ്റ് ടീമുകളെ പങ്കെടുപ്പിച്ച് ബ്രോസ് ആൻഡ് ബഡ്ഡീസ് ക്രിക്കറ്റ് ടീം സംഘടിപ്പിക്കുന്ന സുനിൽ ജോർജ് മെമ്മോറിയൽ ക്രിക്കറ്റ് ടൂർണമെന്റ് നവംബർ 17ന് നടക്കുമെന്ന് ഭാരവാഹികൾ അറിയിച്ചു.
ഈ വർഷം 64 ടീമുകളെ ഉൾപ്പെടുത്തി വിപുലമായി ജുഫൈറിലെയും ബുസൈത്തീനിലേയും 16 ഗ്രൗണ്ടുകളിലായാണ് മത്സരം ക്രമീകരിച്ചിരിക്കുന്നത്. ഏകദിന ടൂർണമെന്റിലെ വിജയികളാകുന്ന ടീമിനും വ്യക്തിഗത നേട്ടങ്ങൾക്കും ട്രോഫിയും മറ്റു സമ്മാനങ്ങളും ഉണ്ടായിരിക്കും.
ബ്രോസ് ആൻഡ് ബഡ്ഡീസ് ക്രിക്കറ്റ് ടീം അംഗമായിരുന്ന സുനിൽ ജോർജ് മൂന്നുവർഷം മുമ്പാണ് ബഹ്‌റൈനിൽവച്ച് മരിച്ചത്.
64 ടീമുകളെ പങ്കെടുപ്പിച്ചുകൊണ്ട് ഒരു ഏകദിന ടൂർണമെന്റ് ബഹ്‌റൈനിൽത്തന്നെ ആദ്യമാണെന്ന് സംഘാടകർ പറഞ്ഞു.
മത്സരത്തിൽ പങ്കെടുക്കുന്നതിനും കൂടുതൽ വിവരങ്ങൾക്കും 3977 8420 (അനീഷ്), 3412 5135 (അൻസാർ) എന്നീ നമ്പറുകളിൽ ബന്ധപ്പെടാവുന്നതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.