തണൽ ബഹ്റൈൻ ചാപ്റ്റർ സഹായം കൈമാറുന്നു
മനാമ: ജീവകാരുണ്യ പ്രവർത്തന രംഗത്ത് സേവനം നടത്തുന്ന തണൽ ബഹ്റൈൻ ചാപ്റ്റർ പ്രവാസ സമൂഹത്തിൽ നിന്ന് ലഭിച്ച സഹായം കൈമാറി.
നിർധനരായ വൃക്ക രോഗികൾക്കുള്ള സൗജന്യ ഡയാലിസിസ്, വൃദ്ധരും അഗതികളുമായ രോഗികളുടെ സംരക്ഷണം, ഭിന്നശേഷിക്കാരായ കുട്ടികളുടെ ചികിത്സയും വിദ്യാഭ്യാസവും ഇന്ത്യയിലെ വിവിധ നഗരങ്ങളിൽ നടത്തുന്ന സൗജന്യ ഭക്ഷണ പരിപാടികൾ, എയ്ഡ്സ് രോഗികളുടെ പുനരധിവാസം, പ്രളയത്തിലും മറ്റു പ്രകൃതി ദുരന്തങ്ങളിലും പെട്ട് വീട് നഷ്ടപ്പെട്ടവർക്കുള്ള സൗജന്യ ഭവന പദ്ധതികൾ, അപകടങ്ങളിലും മറ്റും പെട്ട് ചലന ശേഷി നഷ്ടപ്പെട്ടവർക്കുള്ള തെറപ്പി സെന്ററുകൾ തുടങ്ങി നിരവധി മേഖലകളിൽ തണൽ പ്രവർത്തിക്കുന്നു.
ബഹ്റൈനിലെ പ്രവാസികൾ നൽകിയ സഹായമാണ് വടകര നടന്ന ചടങ്ങിൽ തണൽ ചെയർമാൻ ഡോ. ഇദ്രീസിന് കൈമാറിയത്. ചടങ്ങിൽ ബഹ്റൈൻ ഭാരവാഹികളായ മുജീബ് മാഹി, ഷെബീർ മാഹി, യു.കെ. ബാലൻ, വി.കെ. ജയേഷ്, സുബൈർ അത്തോളി, ഹമീദ് പോതിമഠത്തിൽ, മൂസ കല്ലിയോട്ട്, സാദിഖ്, അനസ് എന്നിവർ സന്നിഹിതരായിരുന്നു.
പ്രവാസി സമൂഹത്തിന്റെ കരുതൽ ഇനിയുള്ള ദിവസങ്ങളിലും തണലിന്ന് ലഭിക്കുമെന്ന് പ്രത്യാശിക്കുന്നതായി തണൽ ചെയർമാൻ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.