മനാമ: നിയമം ലംഘിച്ച് മത്സ്യം കയറ്റുമതി ചെയ്യുന്ന കമ്പനികൾക്കെതിരെ നടപടി സ്വീകരിക്കുമെന്ന് ശൂറ കൗൺസിൽ, പാർലമെന്‍റ് കാര്യ മന്ത്രി ഗാനിം ബിൻ ഫദ്ൽ അൽ ബൂഐനൈൻ വ്യക്തമാക്കി.
ബഹ്റൈനിൽ മത്സ്യം കയറ്റുമതി ചെയ്യുന്ന 27 കമ്പനികളാണ് നിലവിലുള്ളത്.
തദ്ദേശീയമായി മത്സ്യത്തിന് ക്ഷാമം നേരിടുന്നതിനാൽ ബഹ്റൈന് പുറത്തേക്ക് തദ്ദേശീയ മത്സ്യങ്ങൾ കയറ്റുമതി ചെയ്യുന്നതിന് വിലക്കേർപ്പെടുത്തിയ പശ്ചാത്തലത്തിലാണ് നിയമനടപടികളെക്കുറിച്ച് മന്ത്രി സൂചന നൽകിയത്.
നിയമ ലംഘന കയറ്റുമതി: 10 കേസുകളിൽ വിധി 17ന്
മനാമ: നിയമം ലംഘിച്ച് മത്സ്യം കയറ്റുമതി ചെയ്ത 10 കേസുകളിൽ ഏപ്രിൽ 17ന് വിധി പ്രസ്താവിക്കുമെന്ന് ആറാം ലോവർ ക്രിമിനൽ കോടതി വ്യക്തമാക്കി. 13 കേസുകളിൽ ഏപ്രിൽ എട്ടിന് വിധി പറയുമെന്നായിരുന്നു നേരത്തേയുള്ള സൂചന. മൊത്തം 25 കേസുകളാണ് ഇത് സംബന്ധിച്ച് ഇതുവരെ രജിസ്റ്റർ ചെയ്തിട്ടുള്ളത്. കമ്പനികളുടെയും സ്ഥാപനങ്ങളുടെയും ഉടമകളും മാനേജർമാരുമാണ് ഇതിന്‍റെ പേരിൽ വിചാരണക്ക് വിധേയമാവുന്നത്. സമുദ്ര, മത്സ്യ സമ്പത്തിന്‍റെ സംരക്ഷണം ഉറപ്പാക്കുന്നതിന്‍റെ ഭാഗമായാണ് പുതിയ കയറ്റുമതി നിരോധനമേർപ്പെടുത്തിയിട്ടുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.