താമസ നിയമം ലംഘിച്ച 48 പ്രവാസികൾ അറസ്റ്റിൽ, ട്രാഫിക് പരിശോധന തുടരും

കു​വൈ​ത്ത് സി​റ്റി: താ​മ​സ നി​യ​മ​ലം​ഘ​ക​ർ​ക്കെ​തി​രെ ആ​ഭ്യ​ന്ത​ര മ​ന്ത്രാ​ല​യം പ​രി​ശോ​ധ​ന തു​ട​രു​ന്നു. അ​ഹ​മ്മ​ദി ഗ​വ​ർ​ണ​റേ​റ്റി​ൽ ക​ഴി​ഞ്ഞ ദി​വ​സം ന​ട​ത്തി​യ പ​രി​ശോ​ധ​ന​യി​ൽ 48 പ്ര​വാ​സി​ക​ളെ അ​റ​സ്റ്റ് ചെ​യ്തു.

ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ മ​ന്ത്രി​യും ആ​ക്ടി​ങ് ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ത​ലാ​ൽ ഖാ​ലി​ദ് അ​ൽ അ​ഹ​മ്മ​ദ് അ​സ്സ​ബാ​ഹി​ന്റെ നി​ർ​ദേ​ശ​പ്ര​കാ​ര​മാ​ണ് സു​ര​ക്ഷ പ​രി​ശോ​ധ​ന.

ഇ​തൊ​രു കാ​മ്പ​യി​നാ​യി രാ​ജ്യ​ത്തി​ന്റെ പ​ല​ഭാ​ഗ​ങ്ങ​ളി​ലും ന​ട​ന്നു​വ​രു​ക​യാ​ണ്. നി​യ​മ​ലം​ഘ​നം ന​ട​ത്തു​ന്ന​വ​ർ​ക്കെ​തി​രെ ന​ട​പ​ടി സ്വീ​ക​രി​ക്കാ​ൻ ബ​ന്ധ​പ്പെ​ട്ട അ​ധി​കാ​രി​ക​ൾ​ക്ക് ക​ർ​ശ​ന നി​ർ​ദേ​ശം ന​ൽ​കി​യി​ട്ടു​ണ്ട്.

അ​തി​നി​ടെ, രാ​ജ്യ​ത്ത് ട്രാ​ഫി​ക് എ​ല്ലാ ഗ​വ​ർ​ണ​റേ​റ്റു​ക​ളി​ലും പ്ര​തി​വാ​ര ട്രാ​ഫി​ക് കാ​മ്പ​യി​നു​ക​ൾ തു​ട​രു​മെ​ന്ന് അ​ധി​കൃ​ത​ർ അ​റി​യി​ച്ചു. നി​യ​മ ലം​ഘ​ന​ങ്ങ​ൾ പ​ടി​കൂ​ടു​ന്ന​തി​നൊ​പ്പം ജ​ന​ങ്ങ​ളെ ട്രാ​ഫി​ക് നി​യ​മ​ങ്ങ​ളും, നി​യ​മ​ങ്ങ​ൾ പാ​ലി​ക്കേ​ണ്ട​തി​ന്റെ ആ​വ​ശ്യ​ക​ത ബോ​ധ്യ​പ്പെ​ടു​ത്തു​ക​യും പ​രി​ശോ​ധ​ന​യു​ടെ ല​ക്ഷ്യ​മാ​ണ്. അ​പ​ക​ട മ​ര​ണം, പ​രി​ക്കേ​ൽ​ക്ക​ൽ, വാ​ഹ​ന​ങ്ങ​ൾ​ക്കു​ണ്ടാ​കു​ന്ന ന​ഷ്ടം എ​ന്നി​വ കു​റ​ക്ക​ലും ല​ക്ഷ്യ​മാ​ണെ​ന്ന് ബ്രി​ഗേ​ഡി​യ​ർ ജ​ന​റ​ൽ ഖാ​ലി​ദ് മ​ഹ്മൂ​ദ് വ്യ​ക്ത​മാ​ക്കി. പൊ​ലീ​സു​മാ​യി ജ​ന​ങ്ങ​ൾ സ​ഹ​ക​രി​ക്ക​ണ​മെ​ന്നും അ​ദ്ദേ​ഹം അ​ഭ്യ​ർ​ഥി​ച്ചു.

വെ​ള്ളി​യാ​ഴ്ച അ​ർ​ദി​യ ഇ​ൻ​ഡ​സ്ട്രി​യ​ൽ ഏ​രി​യ​യി​ൽ ന​ട​ത്തി​യ പ​രി​ശോ​ധ​ന​യി​ൽ മൂ​ന്ന് മ​ണി​ക്കൂ​റി​നി​ടെ 600 നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി​യി​രു​ന്നു.