കുവൈത്ത് സിറ്റി: തുർക്മെനിസ്ഥാൻ പ്രസിഡൻറ് ഖുർബാൻ ഗൂലി ബർദി മഹ്മൂദോഫ് കുവൈത്ത് അമീർ ശൈഖ് സബാഹ് അൽ അഹ്മദ് അൽ ജാബിർ അസ്സാബാഹുമായി ചർച്ച നടത്തി. ബയാൻ പാലസിൽ ചൊവ്വാഴ്ച ഉച്ചക്ക് നടന്ന കൂടിക്കാഴ്ചയിൽ ഇരു രാജ്യങ്ങൾക്കിടയിലെ സഹകരണം ശക്തിപ്പെടുത്തുന്നതുമായി ബന്ധപ്പെട്ട കാര്യങ്ങൾ ചർച്ചയായി. ചർച്ചയിൽ കിരീടാവകാശി ശൈഖ് നവാഫ് അൽ അഹ്മദ് അൽ ജാബിർ അസ്സബാഹ്, പ്രധാനമന്ത്രി ശൈഖ് ജാബിർ അൽ മുബാറക് അൽ ഹമദ് അസ്സബാഹ് എന്നിവരും തുർക്മെനിസ്ഥാൻ സർക്കാറിലെ മുതിർന്ന ഉദ്യോഗസ്ഥരും സംബന്ധിച്ചു. ഔദ്യോഗിക സന്ദർശന ഭാഗമായി ചൊവ്വാഴ്ചയാണ് ഖുർബാൻ ഗൂലി ബർദി മഹ്മൂദോഫ് കുവൈത്തിലെത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.