ഏഷ്യൻ ഗെയിംസ്: ഷൂട്ടിങ്ങിൽ രണ്ട് വെള്ളി കൂടി കരസ്ഥമാക്കി കു​വൈ​ത്ത്

കു​വൈ​ത്ത് സി​റ്റി: ഏ​ഷ്യ​ൻ ഗെ​യിം​സി​ൽ ഷൂ​ട്ടി​ങ്ങി​ൽ മി​ക​ച്ച പ്ര​ക​ട​നം തു​ട​ർ​ന്ന് കു​വൈ​ത്ത്. ട്രാ​പ് ഇ​ന​ത്തി​ൽ പു​രു​ഷ വ്യ​ക്തി​ഗ​ത, ടീം ​വി​ഭാ​ഗ​ത്തി​ൽ വെ​ള്ളി ക​ര​സ്ഥ​മാ​ക്കി​യ​തോ​ടെ രാ​ജ്യ​ത്തി​ന്റെ മെ​ഡ​ൽ നേ​ട്ടം അ​ഞ്ചാ​യി. ത​ലാ​ൽ അ​ൽ റാ​ഷി​ദി വ്യ​ക്തി​ഗ​ത വി​ഭാ​ഗ​ത്തി​ലും ത​ലാ​ൽ അ​ൽ റാ​ഷി​ദി-​അ​ൽ മു​ദാ​ഫ് ഖാ​ലി​ദി-​അ​ബ്ദു​റ​ഹ്മാ​ൻ അ​ൽ ​ഫൈ​ദി സ​ഖ്യം ടീം ​ഇ​ന​ത്തി​ലു​മാ​ണ് നേ​ട്ടം കൊ​യ്ത​ത്. കു​വൈ​ത്തി​നാ​യി ഷൂ​ട്ടി​ങ് വ്യ​ക്തി​ഗ​ത വി​ഭാ​ഗ​ത്തി​ൽ സ്വ​ർ​ണ​വും സ്കീ​റ്റ് മി​ക്സ​ഡ് ടീം ​വി​ഭാ​ഗ​ത്തി​ൽ വെ​ള്ളി​യും നേ​ടി​യ അ​ബ്ദു​ല്ല അ​ൽ റാ​ഷി​ദി​യു​ടെ മ​ക​നാ​ണ് 30കാ​ര​നാ​യ ത​ലാ​ൽ അ​ൽ റാ​ഷി​ദി.

ഇ​രു​വ​രും ചേ​ർ​ന്ന് നാ​ല് മെ​ഡ​ലു​ക​ളാ​ണ് കു​വൈ​ത്തി​ന് സ​മ്മാ​നി​ച്ച​ത്. പി​താ​വി​നെ പോ​ലെ 2024ലെ ​പാ​രി​സ് ഒ​ളി​മ്പി​ക്സി​ൽ മെ​ഡ​ൽ ല​ക്ഷ്യ​മി​ടു​ക​യാ​ണ് ത​ലാ​ലും. ട്രാ​പ് ഷൂ​ട്ടി​ങ് വ്യ​ക്തി​ഗ​ത വി​ഭാ​ഗ​ത്തി​ൽ ചൈ​ന​യു​ടെ ക്വി ​യ​ങ്ങാ​ണ് സ്വ​ർ​ണം നേ​ടി​യ​ത്. ഇ​ന്ത്യ​യു​ടെ ചെ​നാ​യ് കി​ന​ൻ ഡാ​രി​യ​സ് വെ​ങ്ക​ല​വും ക​ര​സ്ഥ​മാ​ക്കി. ടീം ​ഇ​ന​ത്തി​ൽ ത​ലാ​ലി​നൊ​പ്പ​മു​ണ്ടാ​യി​രു​ന്ന മു​ദാ​ഫ് ഖാ​ലി​ദി ആ​റാ​മ​തെ​ത്തി. ട്രാ​പ് ഷൂ​ട്ടി​ങ് ടീം ​വി​ഭാ​ഗ​ത്തി​ൽ ഇ​ന്ത്യ​യു​ടെ ക്യ​നാ​ൻ ചെ​നാ​യ്, പൃ​ഥ്വി​രാ​ജ്, സ്വ​റ​വാ​ര്‍ സി​ങ് എ​ന്നി​വ​ർ സ്വ​ർ​ണം നേ​ടി. ഈ ​ഇ​ന​ത്തി​ൽ ചൈ​ന​ക്കാ​ണ് വെ​ങ്ക​ലം. 

കാ​യി​ക താ​ര​ങ്ങ​ളു​ടേ​ത് മി​ക​ച്ച നേ​ട്ടം -വാ​ണി​ജ്യ വ്യ​വ​സാ​യ മ​ന്ത്രി

കു​വൈ​ത്ത് സി​റ്റി: ഏ​ഷ്യ​ൻ ഗെ​യിം​സി​ൽ കാ​യി​ക താ​ര​ങ്ങ​ൾ മി​ക​ച്ച നേ​ട്ട​മാ​ണ് കൈ​വ​രി​ച്ച​തെ​ന്ന് കു​വൈ​ത്ത് വാ​ണി​ജ്യ-​വ്യ​വ​സാ​യ മ​ന്ത്രി​യും യു​വ​ജ​ന​കാ​ര്യ സ​ഹ​മ​ന്ത്രി​യു​മാ​യ മു​ഹ​മ്മ​ദ് അ​ൽ-​ഇ​ബാ​ൻ പ​റ​ഞ്ഞു. മെ​ഡ​ൽ​നേ​ട്ടം എ​ല്ലാ കു​വൈ​ത്ത് ജ​ന​ത​യെ​യും സ​ന്തോ​ഷി​പ്പി​ക്കു​ന്നു.

മെ​ഡ​ൽ ജേ​താ​ക്ക​ളാ​യ അ​ബ്ദു​ല്ല അ​ൽ റ​ഷീ​ദി, ഇ​മാ​ൻ അ​ൽ-​ഷ​മാ, യൂ​സ​ഫ് അ​ൽ-​ഷം​ലാ​ൻ എ​ന്നി​വ​രു​മാ​യി നാ​ട്ടി​ലെ​ത്തി​യ ശേ​ഷം മാ​ധ്യ​മ​പ്ര​വ​ർ​ത്ത​ക​രോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. മെ​ഡ​ൽ ജേ​താ​ക്ക​ൾ​ക്ക് സ്വീ​ക​ര​ണ​വും ന​ൽ​കി. മ​ത്സ​ര​ങ്ങ​ൾ​ക്ക് മു​ന്നോ​ടി​യാ​യി കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹു​മാ​യി കൂ​ടി​ക്കാ​ഴ്ച ന​ട​ത്തി​യ​ത് കാ​യി​ക താ​ര​ങ്ങ​ൾ​ക്ക് വ​ലി​യ പ്രോ​ത്സാ​ഹ​ന​മാ​യെ​ന്നും അ​ൽ-​ഇ​ബാ​ൻ പ​റ​ഞ്ഞു.