സന്നദ്ധ പ്രവർത്തകർ കടൽത്തീര ശുചീകരണത്തിൽ
കുവൈത്ത് സിറ്റി: വെള്ളിയാഴ്ച അവധിദിനത്തിൽ ബിനൈദ് അല് ഗറില് കടൽത്തീര ശുചീകരണത്തിനിറങ്ങി ഇന്ത്യൻ അംബാസഡറും വിവിധ സന്നദ്ധ സംഘടനകളും. ഇന്ത്യൻ എംബസി, യു.എൻ ഹാബിറ്റാറ്റ്, ഹവല്ലി ഗവർണറേറ്റ്, മുനിസിപ്പാലിറ്റി, വിവിധ ഇന്ത്യൻ കമ്യൂണിറ്റി അസോസിയേഷനുകൾ എന്നിവയുടെ സഹകരണത്തോടെയാണ് ശുചീകരണം സംഘടിപ്പിച്ചത്. പരിസ്ഥിതി സംരക്ഷണ മുദ്രാവാക്യം ഉയർത്തി ‘ലൈഫ്- ലൈഫ് സ്റ്റൈൽ ഫോർ എൻവയൺമെന്റ്’ എന്ന കാമ്പയിന്റെ ഭാഗമായാണ് പരിപാടി സംഘടിപ്പിച്ചത്.
ഇന്ത്യൻ അംബാസഡർ ഡോ. ആദർശ് സ്വൈക, എംബസി ഉദ്യോഗസ്ഥർ, യു.എൻ ഹാബിറ്റാറ്റ്, ഹവല്ലി ഗവർണറേറ്റ്, മുനിസിപ്പാലിറ്റി കെ.എം.സി.സി, തൃശൂർ അസോസിയേഷൻ ഓഫ് കുവൈത്ത്, തെലുങ്ക് കലാസമിതി, കുവൈത്ത് തമിഴ് പീപ്ൾസ് സർവിസ് സെന്റർ, പ്രവാസന്ദ്ര റെഡ്ഡി അസോസിയേഷൻ കുവൈത്ത്, കുവൈത്ത് കന്നട കൂട്ട എന്നീ സംഘടന പ്രതിനിധികൾ പങ്കെടുത്തു. രാവിലെ അഞ്ചു മുതൽ ആറുവരെയായിരുന്നു ശുചീകരണം. 400ലധികം ആളുകളുടെ പങ്കാളിത്തം ശുചീകരണ പ്രവർത്തനത്തിനുണ്ടായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.