പിടിച്ചെടുത്ത വസ്തുക്കൾ
കുവൈത്ത് സിറ്റി: നാർക്കോട്ടിക് കൺട്രോൾ ജനറൽ അഡ്മിനിസ്ട്രേഷൻ ലോക്കൽ കൺട്രോൾ ഡിപ്പാർട്ട്മെന്റ് നടത്തിയ പരിശോധനയിൽ ലഹരിവസ്തുക്കളുമായി ഒരാൾ പിടിയിലായി. മയക്കുമരുന്ന് പദാർത്ഥം, 50 ലിറിക്ക കാപ്സ്യൂളുകൾ, മറ്റു സൈക്കോട്രോപിക് വസ്തുക്കൾ എന്നിവ ഇയാളിൽ നിന്ന് കണ്ടെടുത്തതായി ആഭ്യന്തരമന്ത്രാലയം സെക്യൂരിറ്റി മീഡിയ അറിയിച്ചു.
ലഹരിവസ്തുക്കളുടെ പാക്കിംഗിനുള്ള ഉപകരണങ്ങൾ, ബോക്സുകൾ എന്നിവയും കണ്ടെത്തി. ആവശ്യമായ നിയമ നടപടികൾക്കായി പ്രതിയേയും പിടിച്ചെടുത്ത വസ്തുക്കളും ബന്ധപ്പെട്ട വകുപ്പിന് കൈമാറി. അതിനിടെ മയക്കുമരുന്നും മദ്യവും കൈവശം വെച്ചതിന് അഞ്ചുപേരെയും പിടികൂടിയതായി ജഹ്റ സെക്യൂരിറ്റി ഡയറക്ട്റേറ്റ് അറിയിച്ചു. ഇവരുടെ വാഹനങ്ങളും പിടിച്ചെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.