കുവൈത്ത് സിറ്റി: കുവൈത്തിൽ ബുധനാഴ്ച 763 പേർക്ക് കൂടി കോവിഡ് സ്ഥിരീകരിച്ചു. ഇതുവരെ 128,843 പേർക്കാണ് വൈറസ് ബാധിച്ചത്. ബുധനാഴ്ച 662 പേർ ഉൾപ്പെടെ 119,742 പേർ രോഗമുക്തി നേടി. അഞ്ചുപേർ കൂടി മരിച്ചതോടെ രാജ്യത്തെ കോവിഡ് മരണം 794 ആയി.
ബാക്കി 8307 പേരാണ് ചികിത്സയിലുള്ളത്. 114 പേർ തീവ്രപരിചരണ വിഭാഗത്തിലാണ്. 6892 പേർക്കാണ് പുതുതായി കോവിഡ് പരിശോധന നടത്തിയത്. ഇതുവരെ 9,40,518 പേർക്ക് കുവൈത്തിൽ കോവിഡ് പരിശോധന നടത്തി.
തീവ്രപരിചരണ വിഭാഗത്തിൽ നാലുപേർ വർധിച്ചപ്പോൾ മരണവും രണ്ടെണ്ണം കൂടി. െഎ.സി.യുവിലുള്ളവരിൽ 90 ശതമാനവും കുവൈത്തികളാണ്. പുതിയ കേസുകളും രോഗമുക്തിയും രണ്ടുമാസത്തിലേറെയാണ് ഏകദേശം ഒപ്പത്തിനൊപ്പമാണ്. അതുകൊണ്ടുതന്നെ ആകെ ചികിത്സയിലുള്ളവരുടെ എണ്ണം 8000ത്തിന് മുകളിലായി തുടരുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.