കുവൈത്ത് സിറ്റി: അന്തരിച്ച ഫോട്ടോ ജേണലിസ്റ്റ് ഗഫൂർ മൂടാടിയുടെ സ്മരണാർഥം കേരള പ്രസ് ക്ലബ് കുവൈത്ത് സംഘടിപ്പിക്കുന്ന ന്യൂസ് ഫോട്ടോഗ്രഫി പുരസ്കാരത്തിന് എൻട്രികള്‍ ക്ഷണിച്ചു. 2022 ജനുവരി ഒന്നു മുതൽ ആഗസ്റ്റ് 15 വരെയുള്ള കാലയളവിൽ മലയാള പത്രങ്ങളിലോ, ന്യൂസ് പോർട്ടലുകളിലോ പ്രസിദ്ധീകരിച്ച വാർത്തമൂല്യമുള്ള ചിത്രങ്ങളാണ് പുരസ്കാരത്തിനായി പരിഗണിക്കുന്നത്. സ്ഥാപന മേധാവിയുടെ സാക്ഷ്യപത്രത്തോടെയാണ് പുരസ്കാരത്തിന് അപേക്ഷിക്കേണ്ടത്. പ്രമുഖ മാധ്യമപ്രവർത്തകരും, ഫോട്ടോഗ്രാഫർമാരും അടങ്ങുന്ന ജൂറിയാണ് ചിത്രങ്ങൾ തിരഞ്ഞെടുക്കുക. മികച്ച ചിത്രത്തിന് അരലക്ഷം രൂപയും പ്രശസ്തിപത്രവും അടങ്ങുന്ന പുരസ്കാരം ഒക്ടോബർ അവസാനവാരം കുവൈത്തിൽ നടക്കുന്ന മാധ്യമസമ്മേളനത്തിൽ വെച്ച് സമ്മാനിക്കും. എൻട്രികൾ സെപ്റ്റംബർ 30 ന് മുമ്പ് keralapressclubkuwait@gmail.com എന്ന ഇ-മെയിൽ ഐ.ഡിയിൽ അയക്കണം.
ഫോട്ടോയോടൊപ്പം, പ്രസിദ്ധീകരിച്ച പത്രത്തിന്റെ കട്ടിങ് (ന്യൂസ് പോർട്ടൽ ആണെങ്കിൽ സ്‌ക്രീൻ ഷോട്ട്) കൂടി അറ്റാച്ച് ചെയ്യേണ്ടതാണ്. ബയോഡാറ്റാ, അപേക്ഷകന്റെ ഫോട്ടോ എന്നിവയും ഇതോടൊപ്പം ചേർക്കണം. ഒരാൾ ഒരു എൻട്രിയിൽ കൂടുതൽ അയക്കാൻ പാടില്ല. കൂടുതൽ വിവരങ്ങൾക്കായി +96567765810, +96555190222 എന്നീ നമ്പറുകളിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.