കുഞ്ഞഹമ്മദ് കുട്ടി ഫൈസിക്ക് നൽകിയ യാത്രയയപ്പിൽ അബ്ദുൽ ഹകീം മുസ്‌ലിയാർ
വാണിയന്നൂർ ഉപഹാരം കൈമാറുന്നു
കുവൈത്ത് സിറ്റി: പ്രവാസം അവസാനിപ്പിച്ച് നാട്ടിലേക്കു പോകുന്ന ദാറുൽ ഹുദാ കുവൈത്ത് കമ്മിറ്റി പ്രസിഡന്റ് കുഞ്ഞഹമ്മദ് കുട്ടി ഫൈസിക്ക് ദാറുൽ ഹുദാ കുവൈത്ത് കമ്മിറ്റി യാത്രയയപ്പ് നൽകി. ചടങ്ങിൽ കുവൈത്തിൽ എത്തിയ ബീഹാർ കിഷൻ ഗഞ്ച് ഖുർത്വുബ ഫൗണ്ടേഷൻ ഡയറക്ടർ ഡോ. സുബൈർ ഹുദവി ചേകന്നൂരിന് സ്വീകരണവും നൽകി.
ഖൈത്താൻ ഇംപീരിയൽ ഇൻസ്റ്റിറ്റ്യൂട്ടിൽ നടന്ന പരിപാടിയിൽ ദാറുൽ ഹുദാ കുവൈത്ത് കമ്മിറ്റി വൈസ് പ്രസിഡന്റ് അബ്ദുൽ ഹകീം മുസ്‌ലിയാർ വാണിയന്നൂർ അധ്യക്ഷത വഹിച്ചു. കുവൈത്ത് കേരള ഇസ്‌ലാമിക് കൗൺസിൽ (കെ.ഐ.സി) ചെയർമാൻ ശംസുദ്ദീൻ ഫൈസി ഉദ്ഘാടനം ചെയ്തു.
20 വർഷത്തോളം ദാറുൽ ഹുദാ കുവൈത്ത് കമ്മിറ്റിയുടെ പ്രസിഡന്റ് സ്ഥാനത്ത് പ്രവർത്തിച്ചിരുന്നയാളാണ് കുഞ്ഞഹമ്മദ് കുട്ടി ഫൈസി. അദ്ദേഹത്തിന് വൈസ് പ്രസിഡന്റ് അബ്ദുൽ ഹകീം മുസ്‌ലിയാർ വാണിയന്നൂർ സ്നേഹോപഹാരം കൈമാറി. ഡോ. സുബൈർ ഹുദവി ചേകന്നൂരിനുള്ള സ്നേഹാദരവ് ദാറുൽ ഹുദാ കുവൈത്ത് കമ്മിറ്റി പ്രസിഡന്റ് കുഞ്ഞഹമ്മദ് കുട്ടി ഫൈസി കൈമാറി.
കെ.ഐ.സി കേന്ദ്ര ജനറൽ സെക്രട്ടറി സൈനുൽ ആബിദ് ഫൈസി, കെ.എം.സി.സി കാസർകോട് ജില്ല പ്രസിഡന്റ് റസാക്ക് അയ്യൂർ, ഫൈസൽ ഹാജി എന്നിവർ ആശംസകൾ നേർന്നു സംസാരിച്ചു. ദാറുൽ ഹുദാ കുവൈത്ത് കമ്മിറ്റി ജനറൽ സെക്രട്ടറി ഇസ്മാഈൽ ഹുദവി സ്വാഗതവും ട്രഷറർ ഹംസ ഹാജി കരിങ്കപ്പാറ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.