ഫുട്ബാൾ താരം പ്രവീൺ കുമാറിന് വിമാനത്താവളത്തിൽ നൽകിയ സ്വീകരണം
കുവൈത്ത് സിറ്റി: മുൻ കേരള സന്തോഷ് ട്രോഫി ഫുട്ബാൾ താരം പ്രവീൺ കുമാറിന് കുവൈത്ത് വിമാനത്താവളത്തിൽ സ്വീകരണം നൽകി. സ്പീഡ് സ്പോർട്സ് അക്കാദമിയിൽ സമ്മർ കോച്ചിങ്ങിനായാണ് പ്രവീൺ കുമാർ കുവൈത്തിൽ എത്തിയത്. വിമാനത്താവളത്തിൽ സ്പീഡ് അക്കാദമി പ്രവർത്തകരും ഫുട്ബാൾ ആരാധകരും ചേർന്ന് സ്വീകരണം നൽകി.
സ്പീഡ് അക്കാദമി മാനേജർ നന്ദു എസ്. ബാബു, ഹെഡ് കോച്ച് സുമേഷ് തൃക്കരിപ്പൂർ, ഹൈത്തം ഷാനവാസ്, അമിർ അബ്ദുൽ റഹ്മാൻ, റിഷൻ, ഷനോജ്, റഷീദ്, അബ്ദുല്ല, ജാസിർ തുടങ്ങിയവർ സംബന്ധിച്ചു. കാസർകോട് ജില്ലയിലെ തൃക്കരിപ്പൂർ സ്വദേശിയായ പ്രവീൺ കേരളത്തിനുവേണ്ടി സന്തോഷ് ട്രോഫി, ബാംഗ്ലൂർ എച്ച്.എ.എൽ ടീമിനുവേണ്ടി ഫെഡറേഷൻ കപ്പ്, ഐ ലീഗ് തുടങ്ങിയ ടൂർണമെന്റുകളിൽ ജഴ്സി അണിഞ്ഞിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.