അബ്ബാസിയ ഏരിയ അംഗങ്ങൾ വിളവുത്സവ റാലിയിൽ
കുവൈത്ത് സിറ്റി: കുവൈത്ത് മലങ്കര റീത്ത് മൂവ്മെന്റിന്റെ പേൾ ജൂബിലി-വിളവുത്സവത്തോടനുബന്ധിച്ച് നടത്തിയ വിളവുത്സവ റാലിയിൽ അബ്ബാസിയ ഏരിയ ഏറ്റവും നല്ല ഏരിയയും അബ്ബാസിയ സെക്ടർ 2 ഏറ്റവും നല്ല സെക്ടറായും അഹമദി അറേബ്യ മാത-സെക്ടർ 1 എസ്‌തേർ കുടുംബ കൂട്ടായ്മ ഏറ്റവും നല്ല കുടുംബ കൂട്ടായ്മയായും തിരഞ്ഞെടുക്കപ്പെട്ടു.
വിവിധ നാടൻ കലാരൂപങ്ങളുടെയും കാർഷിക വിഭവങ്ങളുടെയും ഉപകരണങ്ങളുടെയും നൃത്ത നൃത്യങ്ങളുടെയും പ്രച്ഛന്ന വേഷങ്ങളുടെയും വളർത്തു പക്ഷി മൃഗാദികളുടെയും അകമ്പടിയോടെ ഏറ്റവും കൂടുതൽ അംഗങ്ങളെ അണിനിരത്തുന്ന സെക്ടർ, ഏരിയ, കുടുംബ കൂട്ടായ്മ മത്സരത്തിലാണ് ഇവർ വിജയികളായത്.
മലങ്കര കത്തോലിക്ക സഭയുടെ തലവൻ ബസേലിയോസ് കർദിനാൾ ക്ലീമിസ് കാതോലിക ബാവ സമ്മാനങ്ങൾ വിതരണം ചെയ്തു. ആത്മീയ ഉപദേഷ്ടാവ് റവ.ഡോ. തോമസ് കാഞ്ഞിരമുകളിൽ, മലങ്കര കത്തോലിക്ക സഭ ജി.സി.സി കോഓഡിനേറ്റർ കോർ എപിസ്കോപ്പ റവ. ജോൺ തുണ്ടിയത്ത്, റവ. ഡോ.ടൈറ്റസ് ജോൺ ചേരാവള്ളിൽ ഒ.ഐ.സി, ഫാ.സേവേറിയോസ് തോമസ്, കെ.എം.ആർ.എം പ്രസിഡന്റ് ബാബുജി ബത്തേരി, ജനറൽ സെക്രട്ടറി ബിനു കെ.ജോൺ, ട്രഷറർ റാണ വർഗീസ്, അഡ്വൈസറി ബോർഡ് ചെയർമാൻ ജോജിമോൻ തോമസ് എന്നിവർ ആശംസകൾ നേർന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.