കുവൈത്ത് സിറ്റി: കുവൈത്ത് ആസ്ഥാനമായി സ്വകാര്യ ബജറ്റ് വിമാനക്കമ്പനിയായ ജസീറ എയർവേസ് ശ്രീലങ്കയിലേക്ക് വിമാന സർവിസ് ആരംഭിച്ചു.ശ്രീലങ്കൻ തലസ്ഥാനമായ കൊളംബോയിലേക്ക് ആഴ്ചയിൽ രണ്ട് സർവിസാണ് ഉണ്ടാകുക. ജസീറയുടെ വിമാന ശ്രേണിയിൽ പുതുതായി ചേർത്ത എയർബസ് എ 320 നിയോ എയർക്രാഫ്റ്റ് ആണ് സർവിസിന് ഉപയോഗിക്കുക. ചൊവ്വ, ഞായർ ദിവസങ്ങളിൽ കുവൈത്ത് അന്താരാഷ്ട്ര വിമാനത്താവളത്തിൽനിന്ന് വൈകീട്ട് 6.45ന് പുറപ്പെടുന്ന വിമാനം പുലർച്ച 2.35ന് കൊളംബോയിൽ എത്തും.
തിരിച്ച് തിരിച്ച് ബുധൻ, തിങ്കൾ ദിവസങ്ങളിൽ പുലർച്ച 3.35ന് പുറപ്പെട്ട് രാവിലെ 7.05ന് കുവൈത്തിൽ എത്തുന്ന രീതിയിലാണ് സർവിസ് ക്രമീകരണം. കോവിഡ് പ്രതിസന്ധി തീർന്ന് യാത്രക്കാരുടെ എണ്ണം വർധിക്കുന്നതിനനുസരിച്ച് കൂടുതൽ സർവിസ് ഏർപ്പെടുത്തും.ജസീറ ടെർമിനലിലും വിമാനങ്ങളിലും യാത്രക്കാരുടെ കോവിഡ് സുരക്ഷ ഉറപ്പാക്കാനാവശ്യമായ എല്ലാ നടപടികളും സ്വീകരിച്ചിട്ടുണ്ടെന്ന് അധികൃതർ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.