ജസീറ എയർവേസ് കസാഖ്സ്താൻ വിമാന സർവിസ് ഉദ്ഘാടനച്ചടങ്ങ്
കുവൈത്ത് സിറ്റി: കുവൈത്തിലെ സ്വകാര്യ ബജറ്റ് വിമാനക്കമ്പനിയായ ജസീറ എയർവേസ് കസാഖ്സ്താനിലേക്ക് വിമാന സർവിസ് ആരംഭിച്ചു. കസാഖ്സ്താനിലെ അൽമാറ്റി വിമാനത്താവളത്തിലേക്ക് ആഴ്ചയിൽ രണ്ട് സർവിസാണ് ഏർപ്പെടുത്തിയത്. ബുധൻ, ഞായർ ദിവസങ്ങളിലാണ് സർവിസ് ഉണ്ടാവുക. സംസ്കാര സമ്പന്നവും നല്ല ഭൂപ്രകൃതിയും മെച്ചപ്പെട്ട സാമ്പത്തികാവസ്ഥയും കസാഖ്സ്താനെ ആകർഷകമാക്കുന്നുവെന്നും കുവൈത്തിൽനിന്ന് ധാരാളം പേർ അവിടെ സന്ദർശിക്കുമെന്നും ജസീറ എയർവേസ് സി.ഇ.ഒ രോഹിത് രാമചന്ദ്രൻ പറഞ്ഞു.
മറ്റു വിമാനക്കമ്പനികൾ അപൂർവമായി മാത്രം സർവിസ് നടത്തുന്ന കേന്ദ്രങ്ങളിലേക്ക് സർവിസ് വിപുലീകരിക്കാനാണ് ശ്രമമെന്നും അദ്ദേഹം കൂട്ടിച്ചേർത്തു. കുവൈത്തും കസാഖ്സ്താനും തമ്മിലുള്ള സാമ്പത്തിക, വ്യാപാര, രാഷ്ട്രീയ ബന്ധം ശക്തിപ്പെടുത്താൻ നേരിട്ടുള്ള വിമാന സർവിസ് ഉപകരിക്കുമെന്ന് കുവൈത്തിലെ കസാഖ്സ്താൻ അംബാസഡർ അസാമത് ബെർദിബെ പ്രതികരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.