ജസീറ എയർവേസ് ഓസ്ട്രിയ വിമാന സർവിസ് ഉദ്ഘാടനം ചെയ്യുന്നു
കുവൈത്ത് സിറ്റി: കുവൈത്ത് ആസ്ഥാനമായ ബജറ്റ് വിമാനക്കമ്പനിയായ ജസീറ എയർവേസ് ഓസ്ട്രിയയിലെ വിയനയിലേക്ക് വിമാന സർവിസ് ആരംഭിച്ചു. ആഴ്ചയിൽ രണ്ട് സർവിസാണ് നടത്തുന്നത്. ജസീറ എയർവേസിന്റെ എ 320 നിയോ വിമാനം കുവൈത്തിൽനിന്ന് തിങ്കൾ, വ്യാഴം ദിവസങ്ങളിൽ വിയനയിലേക്ക് സർവിസ് നടത്തും.
സെപ്റ്റംബർ വരെയാണ് ഇപ്പോൾ ഷെഡ്യൂൾ ചെയ്തിട്ടുള്ളത്. ഉദ്ഘാടന ചടങ്ങിൽ ഓസ്ട്രിയയിലെ കുവൈത്ത് അംബാസഡർ സാദിഖ് എം. മറാഫി, ജസീറ എയർവേസ് മാർക്കറ്റിങ് ആൻഡ് കസ്റ്റമർ എക്സ്പീരിയൻസ് വൈസ് പ്രസിഡന്റ് ആൻഡ്ര്യൂ വാർഡ്, വിയന വിമാനത്താവളത്തിലെ ഏവിയേഷൻ ഡെവലപ്മെന്റ് ഇൻചാർജ് കാരോളിൻ ഡ്രോട്ട് എന്നിവർ സംബന്ധിച്ചു. കുവൈത്തിൽനിന്ന് അവധി ആഘോഷിക്കാൻ പോകുന്നവരെ ലക്ഷ്യമിട്ടാണ് വേനൽകാല സർവിസ് ആരംഭിച്ചത്. രണ്ട് വർഷത്തെ യാത്രാനിയന്ത്രണങ്ങൾക്ക് ശേഷം അവധി ആഘോഷത്തിന് തയാറെടുക്കുന്നവർക്കായി കൂടുതൽ സർവിസ് നടത്തുമെന്ന് ജസീറ എയർവേസ് സി.ഇ.ഒ രോഹിത് രാമചന്ദ്രൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.