കുവൈത്ത് ഇന്റർനാഷനൽ ജെറ്റ് സ്കീ ചാമ്പ്യൻഷിപ്പിൽനിന്ന്
കുവൈത്ത് സിറ്റി: കുവൈത്ത് സീ ക്ലബ് ജെറ്റ് സ്കീ കമ്മിറ്റി സംഘടിപ്പിച്ച കുവൈത്ത് ജെറ്റ് സ്കീ ചാമ്പ്യൻഷിപ്പിന്റെ (ഡ്രാഗ് റേസ്- 2023) മൂന്നാമത്തെയും അവസാനത്തെയും റൗണ്ട് സമാപിച്ചു. ഖൈറാനിലെ സബാഹ് അൽ അഹ്മദ് സീ സിറ്റിയിൽ വാശിയേറിയ മത്സരത്തോടെയാണ് സമാപനം. ഓപൺ മത്സരത്തിൽ മുഹമ്മദ് അൽ ബാസ് ഒന്നാമതെത്തി. മുഹമ്മദ് ബുറാബി രണ്ടാമതും സുലൈമാൻ ബുസാഖർ മൂന്നാം സ്ഥാനവും നേടി. സ്റ്റോക്ക് വിഭാഗത്തിൽ ബുറാബി ഒന്നാമതെത്തി. ഇബ്രാഹിം അൽ ഖറാസ് രണ്ടാമതും അബ്ദുല്ല അൽ ഗബന്ദിയ മൂന്നാം സ്ഥാനവും നേടി.
മത്സരത്തിൽ 39 പേർ പങ്കെടുത്തതായി ക്ലബ് സെക്രട്ടറി ഖാലിദ് അൽ ഫോദാരി പറഞ്ഞു. മറീന ക്രസന്റിൽ മറൈൻ സ്പോർട്സ് ക്ലബ് സംഘടിപ്പിച്ച കുവൈത്ത് ഇന്റർനാഷനൽ ജെറ്റ് സ്കീ ചാമ്പ്യൻഷിപ്പിന്റെ രണ്ടാം റൗണ്ട് മത്സരങ്ങളും വെള്ളിയാഴ്ച സമാപിച്ചു. ആറു വിഭാഗങ്ങളിലായി 35 പേർ മത്സരിച്ചു.
സീനിയർ പ്രഫഷനൽ സീറ്റഡ് വിഭാഗത്തിൽ റാഷിദ് അൽ ദവാസ് ഒന്നാം സ്ഥാനവും ഖാലിദ് അൽ അസ്മി രണ്ടാം സ്ഥാനവും ഖാലിദ് അൽ മുഹന്നദി മൂന്നാം സ്ഥാനവും നേടി. സിറ്റിങ് പ്രഫഷനൽ വിഭാഗത്തിൽ റാഷിദ് അൽ ദവാസ് ഒന്നാം സ്ഥാനവും അബ്ദുല്ല അൽ ഹമ്മദി രണ്ടാം സ്ഥാനവും അഹ്മദ് അൽ ഖുദാരി മൂന്നാം സ്ഥാനവും നേടി. അമച്വർ സിറ്റിങ് വിഭാഗത്തിൽ സുൽത്താൻ അൽ ഹമ്മദി ഒന്നാം സ്ഥാനവും അഹ്മദ് അൽ ഖോദരി രണ്ടാം സ്ഥാനവും ബഹ്‌റൈൻ അഹ്മദ് അൽ ഹർമി മൂന്നാം സ്ഥാനവും നേടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.