കെ.എം.സി.സി ‘മഹാസമ്മേളനം’ പോസ്റ്റർ പ്രകാശനം മെട്രോ ജനറൽ മാനേജർ ഫൈസൽ ഹംസ, അൽ അൻസാരി എക്സ്ചേഞ്ച് ജനറൽ മാനേജർ അബ്ദുറഹ്മാൻ എന്നിവർ ചേർന്ന് നിർവഹിക്കുന്നു
കുവൈത്ത് സിറ്റി: കെ.എം.സി.സി നവംബർ 22 അബ്ബാസിയ സെൻട്രൽ സ്കൂളിൽ സംഘടിപ്പിക്കുന്ന ‘തംകീൻ- 2024 മഹാസമ്മേളന’ത്തിന്റെ പോസ്റ്റർ പ്രകാശനം ചെയ്തു. മെട്രോ മെഡിക്കൽ കെയർ ജനറൽ മാനേജർ ഫൈസൽ ഹംസ, അൽ അൻസാരി എക്സ്ചേഞ്ച് ജനറൽ മാനേജർ അബ്ദുറഹ്മാൻ എന്നിവർ ചേർന്ന് പ്രകാശനം നിർവഹിച്ചു.
ദജീജ് മെട്രോ കോർപറേറ്റ് ഹാളിൽ നടന്ന പരിപാടിയിൽ കെ.എം.സി.സി പ്രസിഡന്റ്‌ നാസർ അൽ മഷ്ഹൂർ തങ്ങൾ അധ്യക്ഷത വഹിച്ചു. അൽ അൻസാരി എക്സ്ചേഞ്ച് ജനറൽ മാനേജർ അബ്ദുറഹ്മാൻ ഉദ്ഘാടനം നിർവഹിച്ചു.
പ്രോഗ്രാം കോഓഡിനേറ്റർ റഹൂഫ് മഷ്ഹൂർ തങ്ങൾ പരിപാടി വിശദീകരിച്ചു. ഇക്ബാൽ മാവിലാടം, എം.കെ. അബ്ദുൽ റസാഖ്, എം.ആർ. നാസർ, ഡോ. മുഹമ്മദലി, ഗഫൂർ വയനാട്, ഷാഹുൽ ബേപ്പൂർ, സലാം പട്ടാമ്പി, ഫാസിൽ കൊല്ലം, എൻജിനീയർ മുഷ്താഖ്, ഇല്യാസ് വെന്നിയൂർ, ബഷീർ ബാത്ത, കെ.കെ.പി ഉമ്മർ കുട്ടി എന്നിവർ സംസാരിച്ചു. ആബിദ് ഖാസിമി ഖിറാഅത്ത് നടത്തി. ജനറൽ സെക്രട്ടറി മുസ്തഫ കാരി സ്വാഗതവും ട്രഷറർ ഹാരിസ് വള്ളിയോത്ത് നന്ദിയും പറഞ്ഞു.
മഹാസമ്മേളനത്തിൽ മുസ്‍ലിം ലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങൾ, പി.കെ. കുഞ്ഞാലിക്കുട്ടി, പി.എം.എ. സലാം, കെ.എം. ഷാജി എന്നിവർ പങ്കെടുക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.