കെ.എം.സി.സി 'തംകീൻ-2024' മഹാ സമ്മേളനം പാണക്കാട് മുനവ്വറലി ശിഹാബ് തങ്ങൾ ഉദ്‌ഘാടനം ചെയ്യുന്നു
കുവൈത്ത് സിറ്റി: കുവൈത്ത് കെ.എം.സി.സി ‘തംകീൻ-2024' മഹാസമ്മേളനം മുസ്‍ലിം യൂത്ത് ലീഗ് സംസ്ഥാന പ്രസിഡന്‍റ് പാണക്കാട് മുനവ്വറലി ശിഹാബ് തങ്ങൾ ഉദ്‌ഘാടനം ചെയ്തു.
കെ.എം.സി.സി പ്രസിഡന്‍റ് നാസർ അൽ മശ്ഹൂർ തങ്ങൾ അധ്യക്ഷത വഹിച്ചു. മുസ്‍ലിം ലീഗ് സംസ്ഥാന ജനറൽ സെക്രട്ടറി പി.എം.എ. സലാം മുഖ്യാതിഥി ആയിരുന്നു. സെക്രട്ടറി കെ.എം. ഷാജി മുഖ്യപ്രഭാഷണം നടത്തി. ഇ. അഹമ്മദ് എക്സലൻസി അവാർഡ് ഡോ. എസ്.എം. ഹൈദരലിക്ക് ചടങ്ങിൽ കൈമാറി. മെട്രോ മെഡിക്കൽ ഗ്രൂപ്പിന്റെ പത്താംവാർഷിക ലോഗോ പ്രകാശനം മെട്രോ ഗ്രൂപ് എം.ഡി മുസ്തഫ ഹംസക്ക് നൽകി മുനവ്വർ അലി തങ്ങൾ പ്രകാശനം ചെയ്തു. കെ.എം.സി.സി പുതിയ അപ്ലിക്കേഷൻ ലോഞ്ചിങ്, മെംബർഷിപ് ആദ്യ കാർഡ് വിതരണം, കലണ്ടർ, സോവനീർ എന്നിവയുടെ പ്രകാശനവും നടന്നു. യു.എന്നിലെ കുവൈത്ത് അംബാസഡർ ശൈഖ ഉമ്മ് അബ്ദില്ല അസ്സബാഹ്, ബ്രിഗേഡിയർ അബ്ദുല്ല ഖാലിദ് അൽ ദുവൈല, ഡോ. എസ്.എം. ഹൈദർ, മെട്രോ മെഡിക്കൽ എം.ഡി മുസ്തഫ ഹംസ, അൽ അൻസാരി എക്സ്ചേഞ്ച് ജനറൽ മാനേജർ അബ്ദുറഹിമാൻ, 'മാംഗോ' മാനേജിങ് ഡയറക്ടർ റഫീഖ് അഹമ്മദ് എന്നിവർ സംസാരിച്ചു.
കെ.എം.സി.സി ജനറൽ സെക്രട്ടറി മുസ്തഫ കാരി സ്വാഗതവും ട്രഷർ ഹാരിസ് വള്ളിയോത്ത് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.