കുവൈത്ത് സിറ്റി: കുവൈത്തിൽ 51 ഇന്ത്യക്കാർ ഉൾപ്പെടെ 83 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്ത് കോവിഡ് സ്ഥരീകരിച്ചവർ 993 ആയി. 123 പേർ രോഗമുക്തി നേടി. ഒരാളാണ് രാജ്യത്ത് കോവിഡ് ബാധിച്ച് മരിച്ചത്. ബാക്കി 8 69 പേരാണ് ചികിത്സയിലുള്ളത്.
വെള്ളിയാഴ്ച കോവിഡ് സ്ഥിരീകരിച്ചവരിൽ രണ്ടുപേർ ബ്രിട്ടനിൽനിന്ന് വന്ന സ്വദേശികളാണ്. 51 ഇന്ത്യക്കാർ, ഒരു സ്വദേശി വനിത, ഏഴ് ബംഗ്ലാദേശികൾ, എട്ട് പാകിസ്ഥാനികൾ, ഒരു സിറിയക്കാരൻ, മൂന്ന് ഇൗജിപ്തുകാർ, അഞ്ച് നേപ്പാൾ പൗരന്മാർ, ഒരു ഫിലിപ്പീൻസ് പൗരൻ എന്നിവർക്ക് നേരത്തെ രോഗം സ്ഥിരീകരിച്ചവരിൽനിന്നാണ് വൈറസ് പകർന്നത്. രണ്ട് കുവൈത്തികൾ, ഒരു ഇൗജിപ്ഷ്യൻ, ഒരു സിറിയക്കാരൻ എന്നിവർക്ക് ഏതുവഴിയാണ് കോവിഡ് ബാധിച്ചതെന്ന് കണ്ടെത്തിയിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.