മദ്യവർജന പ്രസ്ഥാനം മെഡിക്കൽ ക്യാമ്പിൽ നിന്ന്
കുവൈത്ത് സിറ്റി: സെൻറ് ഗ്രീഗോറിയോസ് ഇന്ത്യൻ ഓർത്തഡോക്സ് മഹാ ഇടവക മദ്യവർജന പ്രസ്ഥാനത്തിന്‍റെ ആഭിമുഖ്യത്തിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു. കുവൈത്ത് മെഡിക്കൽ അസോസിയേഷൻ, ഇന്ത്യൻ ഡോക്ടേഴ്സ് ഫോറം, കുവൈത്ത് ഹാർട്ട്‌ ഫൗണ്ടേഷൻ, ഇന്ത്യൻ ഡെന്‍റൽ അലയൻസ് എന്നിവയുടെ സഹകരണത്തോടെയായിരുന്നു ക്യാമ്പ്. ജലീബ്‌ ഇന്‍റഗ്രേറ്റഡ്‌ ഇന്ത്യൻ സ്കൂളിൽ നടന്ന മെഡിക്കൽ ക്യാമ്പിൽ വിവിധ വിഭാഗങ്ങളിൽ നിന്നുള്ള വിദഗ്ധ ഡോക്ടർമാർ പങ്കെടുത്തു.
ഐ.ഡി.എഫ്‌വൈസ് പ്രസിഡന്‍റ് ഡോ.സമീർ ഹുമദ് ഉദ്ഘാടനം ചെയ്തു. മദ്യവർജന പ്രസ്ഥാനം പ്രസിഡന്‍റും സെന്‍റ് ഗ്രീഗോറിയോസ് മഹാ ഇടവക വികാരിയുമായ ഫാ.ഡോ.ബിജു ജോർജ് പാറക്കൽ അധ്യക്ഷത വഹിച്ചു. ഐ.ഡി.എഫ്‌ കമ്യൂണിറ്റി സെക്രട്ടറി ഡോ.സെയ്ദ് മഹമൂദ് റഹ്‌മാൻ, ഡോ.രഘുനന്ദനൻ, ഐഡാക്ക്‌ കമ്യൂണിറ്റി വെൽഫെയർ കമ്മറ്റി ചെയർമാൻ ഡോ.പ്രശാന്തി, സെന്‍റ് ഗ്രീഗോറിയോസ് ഇന്ത്യൻ ഓർത്തഡോക്സ് മഹാ ഇടവക സഹവികാരി ഫാ.ലിജു കെ.പൊന്നച്ചൻ, ഇടവക ട്രസ്റ്റി ജോജി പി.ജോൺ, സെക്രട്ടറി ജിജു പി. സൈമൺ, പ്രസ്ഥാനം വൈസ് പ്രസിഡന്‍റ് സാമുവേൽ കാട്ടൂർകളീക്കൽ എന്നിവർ ആശംസകൾ അർപ്പിച്ചു. ക്യാമ്പ് കോഓഡിനേറ്റർ എബി ശാമുവേൽ സ്വാഗതവും സെക്രട്ടറി റോയ് എൻ.കോശി നന്ദിയും രേഖപ്പെടുത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.