കുവൈത്ത് സിറ്റി: കുവൈത്തിൽ നഴ്സുമാരുടെ വാഹനം അപകടത്തിൽ പെട്ട് കൊട്ടാരക്കര സ്വദേശിനി മരിച്ചു. കെ.ഒ.സിയില്‍ ജി.ടി.സി കമ്പനിയുടെ കരാറില്‍ ജോലി ചെയ്യുന്ന കൊട്ടാരക്കര നെല്ലിക്കുന്നം നെട്ടാറ വീട്ടിൽ ബിജുമോൻ സാമുവേലിെൻറ ഭാര്യ മേഴ്സി ബിജു (44) ആണ് മരിച്ചത്. കൈതപ്പറമ്പ് വലിയവിള പടിഞ്ഞാറ്റിത്ത് കുടുംബാംഗമാണ്. ഏകമകൾ ബെറ്റി.
ശനിയാഴ്ച രാത്രി 40ാം നമ്പർ റോഡിലാണ് അപകടമുണ്ടമുണ്ടായത്. നഴ്‌സുമാരുമായി ജോലിസ്ഥലത്തേക്ക് പോകുകയായിരുന്ന വാൻ സ്വദേശിയുടെ വാഹനവുമായി കൂട്ടിയിടിച്ചാണ് അപകടം. ഇടിയുടെ ആഘാതത്തിൽ തെറിച്ചു വീണ മേഴ്സി വാനിനടിയിൽ പെട്ടാണ് മരിച്ചത്. വാഹനത്തിലുണ്ടായിരുന്ന മറ്റു നാല് മലയാളി നഴ്സുമാർ ഗുരുതരമല്ലാത്ത പരിക്കുകളോടെ ആശുപത്രിയിലാണ്. സംസ്‍കാരം പിന്നീട് നാട്ടിൽ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.