ജോസഫ് ക്രിസ്റ്റോയുടെ സ്മരണാർഥം കുവൈത്ത് മലങ്കര റൈറ്റ് മൂവ്മെൻറിെൻറ യുവജന വിഭാഗമായ മലങ്കര കാത്തലിക് യൂത്ത് മൂവ്മെൻറ് കുവൈത്തും ബി.ഡി.കെ കുവൈത്ത് ചാപ്റ്ററും ചേർന്ന് സംഘടിപ്പിച്ച രക്തദാന ക്യാമ്പ്
കുവൈത്ത് സിറ്റി: കോവിഡ് കാലത്ത് മരണമടഞ്ഞ കുവൈത്ത് മലങ്കര സഭയുടെ സജീവ പ്രവർത്തകൻ ജോസഫ് ക്രിസ്റ്റോയുടെ സ്മരണാർഥം കുവൈത്ത് മലങ്കര റൈറ്റ് മൂവ്മെൻറിെൻറ യുവജന വിഭാഗമായ മലങ്കര കാത്തലിക് യൂത്ത് മൂവ്മെൻറ് കുവൈത്തും (എം.സി.വൈ.എം), ബ്ലഡ് ഡോണേഴ്സ് കേരള കുവൈത്ത് ചാപ്റ്ററും സംയുക്തമായി രക്തദാന ക്യാമ്പ് സംഘടിപ്പിച്ചു.
അദാൻ ബ്ലഡ് ബാങ്കിൽ വെള്ളിയാഴ്‌ച ഉച്ചക്ക് ഒന്നുമുതൽ വൈകീട്ട് ആറുവരെ സംഘടിപ്പിച്ച ക്യാമ്പിൽ 75ൽപരം കെ.എം.ആർ.എം- എം.സി.വൈ.എം പ്രവർത്തകർ രക്തം നൽകി. എം.സി.വൈ.എം ഡയറക്ടർ ഫാ. ജോൺ തുണ്ടിയത്ത് ഉദ്ഘാടനം നിർവഹിച്ചു. എം.സി.വൈ.എം പ്രസിഡൻറ് അനിൽ ജോർജ് രാജൻ അധ്യക്ഷത വഹിച്ചു. കെ.എം.ആർ.എം ജനറൽ സെക്രട്ടറി ലിബു ജോൺ, എം.സി.വൈ.എം ആനിമേറ്റർ ആൽഫ്രഡ് ചാണ്ടി എന്നിവർ സംസാരിച്ചു. ക്യാമ്പ് വിജയകരമായി സംഘടിപ്പിച്ചതിന് എം.സി.വൈ.എമ്മിനുള്ള പ്രശംസാഫലകം ബി.ഡി.കെ അഡ്വൈസറി ബോർഡ് മെംബർ രാജൻ തോട്ടത്തിൽനിന്ന് ഫാ. ജോൺ തുണ്ടിയത്ത് ഏറ്റുവാങ്ങി.
എം.സി.വൈ.എം സെക്രട്ടറി ഫിനോ മാത്യു സ്വാഗതവും തോമസ് ജോൺ ബി.ഡി.കെ നന്ദിയും പറഞ്ഞു. ബി.ഡി.കെ കോഓഡിനേറ്റർ ജിതിൻ ജോസ് പരിപാടികൾ ഏകോപിപ്പിച്ചു. ക്യാമ്പിൽ പങ്കെടുത്ത എല്ലാവർക്കും സർട്ടിഫിക്കറ്റുകൾ വിതരണം ചെയ്തു. എം.സി.വൈ.എം പ്രവർത്തകരായ ജയിംസ്, നോബിൻ ഫിലിപ്, ബിൻസു റിജോ, റിങ്കി ഏലിയാസ്, റജി അച്ചൻകുഞ്ഞ്, ബി.ഡി.കെ പ്രവർത്തകരായ നളിനാക്ഷൻ, വിനോത് കുമാർ, സോഫിരാജൻ, ലിനി ജയൻ, ശ്രീകുമാർ, വേണുഗോപാൽ, മാർട്ടിൻ എന്നിവർ ക്യാമ്പിന് നേതൃത്വം നൽകി. രക്തദാന ക്യാമ്പുകളും ബോധവത്കരണ പരിപാടികളും സംഘടിപ്പിക്കാൻ താൽപര്യമുള്ള സംഘടനകളും സ്ഥാപനങ്ങളും, കൂടാതെ രക്തം ആവശ്യമായി വരുന്ന അടിയന്തര സാഹചര്യങ്ങളിലും 69997588, 51510076 എന്നീ നമ്പറുകളിൽ ബന്ധപ്പെടണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.