മുഹബ്ബത്ത്‌ കുവൈത്ത് ക്രിസ്മസ്‌ പുതുവത്സരാഘോഷം
കുവൈത്ത് സിറ്റി: മുഹബ്ബത്ത്‌ കുവൈത്ത് ക്രിസ്മസ്‌ പുതുവത്സരം ആഘോഷിച്ചു. അബ്ബാസിയ ആർട്ട്‌ സർക്കിൾ ഹാളിൽ നടത്തിയ പരിപാടിയിൽ പ്രസിഡന്‍റ് നിയാസ് മജീദ് അധ്യക്ഷത വഹിച്ചു. അന്തരിച്ച കലാകാരന്മാരായ ജലാൽ, നജീബ്‌, പ്രിയ, അൻവർ സാദത്ത്, സലിൽ തുടങ്ങിയവർക്ക്‌ പ്രണാമം അർപ്പിച്ചു. കുങ്ഫു മാസ്റ്റർ ഫെയിം സിനിമാതാരം ജിജി സക്കറിയ ഉദ്ഘാടനം ചെയ്തു. ഖാലിദ്‌ മാക്‌, കബീർ മണ്ണാർക്കാട്‌, ശ്രീകുമാർ, സിദ്ദീഖ് ബറകാത്ത്‌ എന്നിവർ സംസാരിച്ചു. വിവിധ മേഖലയിലെ പ്രവർത്തനങ്ങളെ വിലയിരുത്തി അബ്ദുല്ല കടവത്ത്‌, ജലീൽ, ജമീല, ഷാലു, സജില സണ്ണി, പ്രജീഷ്, മേഘ, മാരിമുത്തു എന്നിവരെ ആദരിച്ചു. സന, മഹ്മൂദ്‌ പെരുമ്പ, രജനി, ആരിഫ, ബിന്ദു, സുലൈഖ, അസ്മ, മുസ്തഫ തുടങ്ങിയവർ നേതൃത്വം നൽകി. ഗാനമേള, ഇമാജിൻ ഡാൻസ്‌ വേൾഡ്‌, സ്വാതി ആൻഡ് ടീം, ജുവാനി ആൻഡ് അമ്മു ടീം, ബദറുൽ മുനീർ, നിർമല, മേഘ, ജാനകി, സോഫി, മാളവിക, നസ്‌റിയ, ലക്ഷ്യ ഡാൻസ്‌ അക്കാദമി തുടങ്ങിയവരുടെ നൃത്തപരിപാടികൾ, ആസിഫിന്‍റെ നേതൃത്വത്തിൽ ദുൽഫുകാർ കോൽക്കളി തുടങ്ങിയവയുണ്ടായി. ജനറൽ സെക്രട്ടറി അൻസർ കൊല്ലം സ്വാഗതവും ട്രഷറർ സെബിൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.