മൂവാറ്റുപുഴ സൗഹൃദ കൂട്ടായ്മ ഇഫ്താർ സംഗമത്തിൽ ആസാദ് മുണ്ടപ്പിള്ളിക്ക് ഉപഹാരം കൈമാറുന്നു
കുവൈത്ത് സിറ്റി: കുവൈത്ത് മൂവാറ്റുപുഴ സൗഹൃദ കൂട്ടായ്മ ഇഫ്താർ സംഗമം സംഘടിപ്പിച്ചു.
ജലീബ് ഇക്കായിസ് റസ്റ്റാറൻറിൽ സംഘടിപ്പിച്ച സംഗമം സൗഹൃദം പുതുക്കുന്നതിനും, ഗൃഹാതുര ഓർമകൾ പങ്കുവെക്കുന്നതിനുമുള്ള വേദിയായി. പ്രസിഡന്റ് മുഹമ്മദ് അനസ്, ആദിൽ ബഷീർ, മൊയ്‌ദീൻ അഫി, മാഹീൻ, വി.എസ്.നജീബ് എന്നിവർ നേതൃത്വം നൽകി. 23 വർഷത്തെ പ്രവാസ ജീവിതം അവസാനിപ്പിച്ച് മടങ്ങുന്ന ആസാദ് മുണ്ടപ്പിള്ളിക്ക് കൂട്ടായ്മ യാത്രയയപ്പ് നൽകി.
ആസാദ് മുണ്ടപ്പിള്ളിക്കുള്ള ഉപഹാരം ചടങ്ങിൽ മുൻ പ്രസിഡന്റ് നൂറുദ്ദിൻ, എക്സിക്യൂട്ടിവ് അംഗങ്ങൾ എന്നിവർ കൈമാറി. 15 വർഷത്തിലേറെയായി കുവൈത്തിൽ പ്രവർത്തിച്ചുവരുന്ന മൂവാറ്റുപുഴ സൗഹൃദ കൂട്ടായ്മ കലാ സാംസ്‌കാരിക, ജീവകാരുണ്യ മേഖലയിൽ സജീവ ഇടപെടൽ നടത്തിവരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.