പു​തി​യ റെസി​ഡ​ൻ​സി നി​യ​മം; അ​ന​ധി​കൃ​ത താമസക്കാർക്ക് ക​ടു​ത്ത ന​ട​പ​ടി നേ​രി​ടേ​ണ്ടി​വ​രും

കു​വൈ​ത്ത് സി​റ്റി: പു​തി​യ പ്ര​വാ​സി റെസി​ഡ​ന്‍സി ക​ര​ട് നി​ര്‍ദേ​ശ​ങ്ങ​ള്‍ക്ക് മ​ന്ത്രി​സ​ഭ അം​ഗീ​കാ​രം ന​ൽ​കി​യ​തോ​ടെ അ​ന​ധി​കൃ​ത​മാ​യി രാ​ജ്യ​ത്ത് ത​ങ്ങു​ന്ന​വ​ർ​ക്ക് ക​ടു​ത്ത ശി​ക്ഷ ന​ട​പ​ടി​ക​ൾ നേ​രി​ടേ​ണ്ടി​വ​രും.

വി​ദേ​ശി​ക​ളു​ടെ താ​മ​സ​സ്ഥ​ലം, വി​സ ക​ച്ച​വ​ടം ത​ട​യ​ൽ, നി​യ​മം ലം​ഘി​ക്കു​ന്ന വി​ദേ​ശി​ക​ളെ നാ​ടു​ക​ട​ത്തു​ന്ന​തി​നും പു​റ​ത്താ​ക്കു​ന്ന​തി​നു​മു​ള്ള നി​യ​മ​ങ്ങ​ൾ, താ​മ​സ നി​യ​മ​ത്തി​ലെ വ്യ​വ​സ്ഥ​ക​ൾ ലം​ഘി​ക്കു​ന്ന​വ​ർ​ക്ക് ക​ടു​ത്ത ശി​ക്ഷ​ക​ൾ എ​ന്നി​വ​യെ​ല്ലാം പു​തി​യ നി​യ​മ​ത്തി​ൽ ഉ​ൾ​ക്കൊ​ള്ളി​ച്ചി​ട്ടു​ണ്ട്.

36 ആ​ർ​ട്ടി​ക്കി​ളു​ക​ൾ അ​ട​ങ്ങി​യ നി​യ​മ​ത്തി​ൽ പ്ര​വാ​സി​ക​ളു​ടെ റി​ക്രൂ​ട്ട്മെ​ന്‍റ് മു​ത​ൽ താ​മ​സ​വും നാ​ടു​ക​ട​ത്ത​ലും അ​ട​ക്ക​മു​ള്ള ന​ട​പ​ടി​ക​ൾ​ക്ക് കൃ​ത്യ​മാ​യ നി​ർ​ദേ​ശ​ങ്ങ​ളുമുണ്ട്. വി​സ ക​ച്ച​വ​ടം വ​ഴി​യു​ള്ള റി​ക്രൂ​ട്ട്മെ​ന്റ് ക​ർ​ശ​ന​മാ​യി ത​ട​യും.

രാ​ജ്യ​ത്ത് തു​ട​രു​ന്ന പ്ര​വാ​സി​ക​ളു​ടെ വി​സ കാ​ലാ​വ​ധി​യും കൃ​ത്യ​മാ​യി നി​രീ​ക്ഷി​ക്കും. പ്ര​വാ​സി​ക​ളു​ടെ സ​ന്ദ​ർ​ശ​ന വി​സ, സ്ഥി​രം വി​സ എ​ന്നി​വ കാ​ല​ഹ​ര​ണ​പ്പെ​ടു​ന്ന വി​വ​രം സ്പോ​ൺ​സ​ർ​മാ​ർ ആ​ഭ്യ​ന്ത​ര മ​ന്ത്രാ​ല​യ​ത്തി​ൽ അ​റി​യി​ക്കു​ക​യും വേ​ണം. ഇ​തോ​ടെ രാ​ജ്യ​ത്ത് പ്ര​വേ​ശി​ക്കു​ന്ന പ്ര​വാ​സി​ക​ളെ​ക്കു​റി​ച്ച് അ​ധി​കൃ​ത​ർ​ക്ക് കൃ​​ത്യ​മാ​യ വി​വ​രം ല​ഭി​ക്കും.

വി​സ ക​ച്ച​വ​ടം ത​ട​യു​ന്ന​തി​ലൂ​ടെ അ​ന​ധി​കൃ​ത​മാ​യി രാ​ജ്യ​ത്ത് പ്ര​വേ​ശി​ക്കാ​നാ​കി​ല്ല. മ​റ്റു വ്യ​വ​സ്ഥ​ക​ളും ക​ർ​ശ​ന​മാ​ക്കു​ന്ന​തോ​ടെ വി​സ കാ​ലാ​വ​ധി ക​ഴി​ഞ്ഞ​വ​ർ​ക്ക് രാ​ജ്യ​ത്തു തു​ട​രാ​നും ക​ഴി​യി​ല്ല. ഇ​ങ്ങ​നെ തു​ട​രു​ന്ന​വ​രെ ക​ണ്ടെ​ത്താ​നും ഇ​നി എ​ളു​പ്പ​മാ​കും. ഇ​ത്ത​ര​ക്കാ​രെ പി​ടി​കൂ​ടി നാ​ടു​ക​ട​ത്തും.

രാ​ജ്യ​ത്ത് വി​വി​ധ വി​സ​ക​ളി​ൽ എ​ത്തു​ന്ന​വ​ർ കാ​ല​വ​ധി ക​ഴി​ഞ്ഞി​ട്ടും തി​രി​ച്ചു​പോ​കാ​ത്ത​ത് ജ​ന​സം​ഖ്യ​യി​ലും തൊ​ഴി​ൽ മേ​ഖ​ല​യി​ലും പ്ര​യാ​സം സൃ​ഷ്ടി​ച്ചി​രു​ന്നു.

തു​ട​ർ​ന്ന് ഈ ​വ​ർ​ഷം മൂ​ന്നു​മാ​സ പൊ​തു​മാ​പ്പ് പ്ര​ഖ്യാ​പി​ക്കു​ക​യും നി​ര​വ​ധി പേ​ർ ഇ​ത് ഉ​പ​യോ​ഗ​പ്പെ​ടു​ത്തു​ക​യുമുണ്ടാ​യി. തു​ട​ർ​ന്നും നി​യ​മ​വി​രു​ദ്ധ​മാ​യി രാ​ജ്യ​ത്ത് തു​ട​രു​ന്ന​വ​രെ ക​ണ്ടെ​ത്താ​ൻ ക​ർ​ശ​ന പ​രി​ശോ​ധ​ന​ക​ൾ ന​ട​ന്നു​വ​രു​ക​യാ​ണ്. പു​തി​യ നി​യ​മം കൂ​ടി വ​രു​ന്ന​തോ​ടെ അ​ന​ധി​കൃ​ത​മാ​യി രാ​ജ്യ​ത്ത് തു​ട​രു​ന്ന​വ​ർ​ക്കെ​തി​രെ ക​ടു​ത്ത ന​ട​പ​ടിയുണ്ടാ​കും.

ഡി​സം​ബ​ർ അ​വ​സാ​ന​ത്തി​ൽ പ്ര​വാ​സി​ക​ളു​ടെ ബ​യോ​മെ​ട്രി​ക് ന​ട​പ​ടി​ക​ൾ​കൂ​ടി പൂ​ർ​ത്തി​യാ​കു​ന്ന​തോ​ടെ കു​വൈ​ത്തി​ലെ സ്വ​ദേ​ശി​ക​ളെ​യും പ്ര​വാ​സി​ക​ളെ​യും കു​റി​ച്ച പൂ​ർ​ണ വി​വ​ര​വും അ​ധി​കൃ​ത​ർ​ക്ക് ല​ഭി​ക്കും.