കുവൈത്ത് സിറ്റി: മുജാഹിദ് സംസ്ഥാന സമ്മേളന ഭാഗമായി ഐ.ഐ.സി സംഘടിപ്പിച്ചു വരുന്ന ഖുർആൻ - വെളിച്ചം ഓൺലൈൻ ക്വിസ് മത്സരത്തിൽ ആദ്യ ദിവസം ഫൈസൽ വളാഞ്ചേരിയും, മിർസാദ് അലി സി.വിയും ഒന്നാം സ്ഥാനം കരസ്ഥമാക്കി. മത്സരത്തിൽ കുവൈത്തിൽനിന്നും നാട്ടിൽനിന്നും ബഹ്റൈൻ, ഖത്തർ, ഒമാൻ, ദുബൈ, തുർക്കിയ തുടങ്ങി വിവിധ വിദേശ രാജ്യങ്ങളിൽനിന്നുമായി ആയിരത്തിൽപരം ആളുകൾ പങ്കെടുത്തതായി സംഘാടകർ അറിയിച്ചു.
ഇന്ത്യൻ ഇസ്‍ലാഹി സെൻറർ (കുവൈത്ത്) പ്രസിഡന്‍റ് യൂനുസ് സലീം, ജനറൽ സെക്രട്ടറി അബ്ദുൽ അസീസ് സലഫി, ട്രഷറർ അനസ് മുഹമ്മദ്, ക്യു.എൽ.എസ് സെക്രട്ടറി നാസർ മുട്ടിൽ, ബീൻസീർ പുറങ്ങ്, ആമിർ മാത്തൂർ എന്നിവർ മത്സരത്തിന് നേതൃത്വം നൽകുന്നു. ഓരോ ദിവസത്തെ വിജയികൾക്കും സമ്മാനങ്ങളും അവസാനത്തിൽ ഒന്നാം സ്ഥാനം നേടുന്ന വ്യക്തിക്ക് ഗോൾഡ് കോയിനും ലഭിക്കും. ദിവസവും മത്സര ലിങ്ക് വാട്സ് ആപ് മുഖേനെ അയക്കും. രാവിലെ ഏഴു മുതൽ ഉത്തരം രേഖപ്പെടുത്താം. കൂടുതൽ വിവരങ്ങൾക്കും മത്സര ഗ്രൂപ്പിൽ ചേരാനും പാഠഭാഗം ലഭിക്കാനും താഴെയുള്ള നമ്പറിൽ മെസേജ് അയക്കുക +965 69054515, +965 66560439, +965 99060684.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.