ഫഹാഹീൽ ദാറു തഅ്ലീമിൽ ഖുർആൻ മദ്റസ ഫെസ്റ്റിൽ വിദ്യാർഥികളും സംഘാടകരും
കുവൈത്ത് സിറ്റി: കുവൈത്ത് ഇസ്‌ലാമിക് കൗൺസിൽ (കെ.ഐ.സി) കീഴിൽ പ്രവർത്തിക്കുന്ന ഫഹാഹീൽ - ദാറു തഅ്ലീമിൽ ഖുർആൻ മദ്റസ ‘ഇബ്തികാർ’ എന്ന പേരിൽ വിദ്യാർഥി ഫെസ്റ്റ് സംഘടിപ്പിച്ചു.
എൽ.കെ.ജി മുതൽ പ്ലസ് ടു വരെയുള്ള വിദ്യാർഥികൾക്കും രക്ഷിതാക്കൾക്കും വിവിധ ആക്ടിവിറ്റികൾ, മത്സരങ്ങൾ എന്നിവ സംഘടിപ്പിച്ചു. കുട്ടികളുടെ കലാപരിപാടികൾ, ഖിറാഅത്ത്, പ്രസംഗം, ഗാനങ്ങൾ എന്നിവ അവതരിപ്പിച്ചു. ഫ്ലവർ ഷോ ആകർഷണമായി. മദ്റസ പ്രിൻസിപ്പൽ അബ്ദുൽഗഫൂർ ഫൈസി ഉദ്ഘാടനം ചെയ്തു. ടി.വി. ഫൈസൽ അധ്യക്ഷത വഹിച്ചു. മെഡക്‌സ്‌ സി.ഇ.ഒ മുഹമ്മദലി, കെ.ഐ.സി കേന്ദ്ര ജനറൽ സെക്രട്ടറി സൈനുൽ ആബിദ് ഫൈസി എന്നിവർ ആശംസകൾ നേർന്നു. ഇസ്മായിൽ ഹുദവി പ്രാർഥന നിർവഹിച്ചു.
വിദ്യാഭ്യാസ സെക്രട്ടറി ശിഹാബ് മാസ്റ്റർ, അജ്മൽ മാസ്റ്റർ, ആദിൽ, അബ്ദുസലാം മുസ്‌ലിയാർ, സലാം പെരുവള്ളൂർ, മുഷ്താഖ് നഹ, എൻജിനീയർ മുനീർ പെരുമുഖം, തസ്ലീം സി.പി, നാസർ കാപ്പാട്, ആരിഫ്, ഇബ്രാഹിം അറഫ, സാദിഖ് ടി.വി, അബ്ദുറഹിമാൻ ഫൈസി, മുഹമ്മദലി ഫൈസി, മുഹമ്മദലി ശിഹാബ് ഫൈസി എന്നിവർ നേതൃത്വം നൽകി. ഇല്ല്യാസ് ബാഹസൻ തങ്ങൾ സ്വാഗതവും മുഹമ്മദ് എ.ജി നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.