കുവൈത്ത് സിറ്റി: ഫിലിപ്പിനോ നഴ്സുമാരെ റിക്രൂട്ട് ചെയ്യാനൊരുങ്ങി കുവൈത്ത്. അടുത്ത രണ്ട് മാസത്തിനുള്ളില് പുരുഷന്മാരും സ്ത്രീകളും ഉൾപ്പെട്ട 150ലേറെ ഫിലിപ്പിനോ നഴ്സുമാർ സേവനത്തിനായി രാജ്യത്തെത്തും. സ്വകാര്യ ആരോഗ്യ മേഖലയിൽ ജോലി ചെയ്യുന്നതിനായാണ് നഴ്സുമാരുടെ അപേക്ഷകൾക്ക് ഫിലിപ്പിനോ എംബസി അംഗീകാരം നൽകിയതെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്തു.
ഒരു വര്ഷത്തെ ഇടവേളക്ക് ശേഷം ഫിലിപ്പിനോയിൽ നിന്നുള്ള ഗാർഹിക തൊഴിലാളികള് കഴിഞ്ഞ ദിവസം കുവൈത്തിലെത്തിയിരുന്നു. ഗാര്ഹിക തൊഴിലുമായി ബന്ധപ്പെട്ട വിഷയങ്ങളെത്തുടര്ന്ന് കഴിഞ്ഞ വർഷം ഇരു രാജ്യങ്ങളും തൊഴിലാളികള്ക്ക് വിലക്കേര്പ്പെടുത്തിയിരുന്നു. തുടര്ന്ന് നടത്തിയ ചര്ച്ചകളിലാണ് പ്രശ്നം പരിഹരിക്കപ്പെട്ടത്. അതിനിടെ ഫിലിപ്പിനോ ഗാർഹിക തൊഴിലാളി റിക്രൂട്ട്മെന്റ് ആരംഭിച്ചതായി കുവൈത്ത് യൂനിയൻ ഓഫ് ഡൊമസ്റ്റിക് ലേബർ ഓഫിസ് വ്യക്തമാക്കി. അംഗീകൃത റിക്രൂട്ട്മെന്റ് ഓഫിസുകള് വഴി മാത്രമായിരിക്കും തൊഴിലാളികളെ റിക്രൂട്ട് അനുമതി നല്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.