ലുലു ഹൈപ്പർമാർക്കറ്റിൽ നടന്ന ഓണാഘോഷ പരിപാടികളിൽനിന്ന്
കുവൈത്ത് സിറ്റി: ലുലു ഹൈപ്പർമാർക്കറ്റിൽ ഓണാഘോഷങ്ങൾക്ക് പ്രൗഢോജ്ജ്വല തുടക്കം. 'ഔസം ഓണം 2024' എന്ന് പേരിട്ട ആഘോഷ പരിപാടി ലുലു കുവൈത്ത് ഉന്നത മാനേജ്‌മെന്‍റ് പ്രതിനിധികൾ അൽറായി ഔട്ട്‌ലെറ്റിൽ ഉദ്ഘാടനം ചെയ്തു. ഈ ഓണക്കാലത്ത് വിസ്മയിപ്പിക്കുന്ന ഓഫറുകളാണ് ലുലു ഉപഭോക്താക്കൾക്കായി ഒരുക്കിയിരിക്കുന്നത്.
സെപ്റ്റംബർ 17 വരെ ലുലുവിന്‍റെ കുവൈത്തിലെ എല്ലാ ഹൈപ്പർ ഔട്ട്ലെറ്റുകളിലും അതിശയിപ്പിക്കുന്ന കിഴിവുകളും ഓഫറുകളും ഒരുക്കിയിട്ടുണ്ട്. പഴങ്ങൾ, പലചരക്ക്, പച്ചക്കറികൾ, വീട്ടുപകരണങ്ങൾ, വസ്ത്രങ്ങൾ തുടങ്ങി അനേകം അവശ്യ സാധനങ്ങൾക്കടക്കം അവിശ്വസനീയ ഓഫറുകളാണ് ലുലു നൽകുന്നത്. എല്ലാ ഔട്ട്ലെറ്റുകളിലും ലഭ്യമാകുന്ന വിധത്തിൽ ഓണം സ്പെഷൽ മിക്സഡ് ഫ്ലവേഴ്സ്, 21 ഇനം വിഭവങ്ങളടങ്ങിയ ഓണസദ്യ, പായസം, `ഓണം സ്പെഷൽ എത്‌നിക് വസ്ത്രങ്ങൾ, സാരികൾ, ചുരിദാറുകൾ, എന്നിവയുടെ വിൽപന സെക്ഷനുകൾ പ്രത്യേകമായി ഒരുക്കിയിട്ടുണ്ട്.
പരമ്പരാഗത 'കഥകളി' പ്രകടനം ഉൾപ്പെടെ ചെണ്ടമേളം, പുലിക്കളി തുടങ്ങി മറ്റനേകം സാംസ്കാരിക പരിപാടികൾ ആഘോഷങ്ങൾക്ക് മാറ്റേകാൻ രംഗത്തുണ്ട്. ആഘോഷങ്ങളുടെ ഉദ്ഘാടനത്തോടനുബന്ധിച്ച്, കുട്ടികൾക്കായി ഓണംഫാഷൻ ഷോ നടത്തി. ഒന്നും, രണ്ടും, മൂന്നും സ്ഥാനക്കാർക്കാർക്ക് സമ്മാന വൗച്ചറുകളും പങ്കെടുത്ത എല്ലാവർക്കും പ്രോത്സാഹന സമ്മാനങ്ങളും നൽകി. അൽറായ് ഔട്ട്‌ലെറ്റിൽ നടന്ന ആഘോഷ പരിപാടിയിൽ ആവേശോജ്ജ്വലമായ വടംവലി മത്സരവും അരങ്ങേറി. ഓണക്കാലയളവിൽ ലുലു ഹൈപ്പർമാർക്കറ്റുകൾ സന്ദർശിക്കുന്ന ഉപഭോക്താക്കൾക്ക് പരമ്പരാഗത ഓണവിഭവങ്ങൾ ആസ്വദിക്കാനും ഡിസ്കൗണ്ടുകൾ ഉപയോഗപ്പെടുത്താനും സാംസ്കാരികാഘോഷങ്ങളിൽ പങ്കെടുക്കാനും സാധിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.