സമസ്ത മദ്റസ പ്രവേശനോത്സവത്തിൽ വിദ്യാർഥികൾക്ക് പഠനോപകരണങ്ങൾ നൽകുന്നു
കുവൈത്ത് സിറ്റി: കുവൈത്ത് കേരള ഇസ്‌ലാമിക് കൗൺസിൽ വിദ്യാഭ്യാസ വിഭാഗത്തിന് കീഴിൽ ഫഹാഹീലിൽ പ്രവർത്തിക്കുന്ന ദാറു തഅലീമിൽ ഖുർആൻ മദ്റസ 'വിദ്യ നുകരാം വിജയം നേടാം' തലക്കെട്ടിൽ മിഹ്റജാനുൽ ബിദായ പ്രവേശനോത്സവം സംഘടിപ്പിച്ചു. മംഗഫ് ത്വയ്ബ ഓഡിറ്റോറിയത്തിൽ നടന്ന പരിപാടി അബ്ദുൽ സലാം മുസ്‌ലിയാർ ജാബിരിയ്യ ഉദ്ഘാടനം ചെയ്തു.
വിദ്യാഭ്യാസ പ്രവർത്തനങ്ങളിൽ സമസ്ത, ലോകത്തിനുതന്നെ മാതൃകയാണെന്ന് ഉദ്ഘാടന പ്രഭാഷണത്തിൽ അദ്ദേഹം പറഞ്ഞു. സദർ മുഅല്ലിം അബ്ദുൽ ഗഫൂർ ഫൈസി അധ്യക്ഷത വഹിച്ചു. കെ.ഐ.സി വിദ്യാഭ്യാസ വിഭാഗം സെക്രട്ടറി ശിഹാബ് മാസ്റ്റർ നീലഗിരി മുഖ്യ പ്രഭാഷണം നടത്തി.
മദ്റസ പ്രസിഡന്റ് അബ്ദുൽ സലാം പെരുവള്ളൂർ, കെ.ഐ.സി ഫഹാഹീൽ മേഖല പ്രസിഡന്റ് അമീൻ മുസ്‌ലിയാർ, മുഹമ്മദലി ഫൈസി, മുനീർ, അബ്ദുൽ റഷീദ്, മുഹമ്മദ്, ആദിൽ തുടങ്ങിയവർ നേതൃത്വം നൽകി. മദ്റസ ജനറൽ സെക്രട്ടറി ടി.വി. ഫൈസൽ സ്വാഗതവും വർക്കിങ് സെക്രട്ടറി ഫൈസൽ ചാനേത്ത് നന്ദിയും പറഞ്ഞു. ചടങ്ങിൽ വിദ്യാർഥികൾക്ക് പഠനോപകരണങ്ങൾ വിതരണം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.