കുവൈത്ത് സിറ്റി: സാരഥി കുവൈത്ത് 25ാം വാർഷിക ആഘോഷം ‘സാരഥീയം@25’ വെള്ളിയാഴ്ച വൈകീട്ട് മൂന്നു മുതൽ ഹവല്ലി പാർക്കിൽ നടക്കും. സാരഥി കുവൈത്തിന്റെ ഗുരുദേവ സേവാരത്ന അവാർഡ് ചടങ്ങിൽ ലുലു ഗ്രൂപ് ഇന്റർനാഷനൽ ചെയർമാൻ ആൻഡ് മാനേജിങ് ഡയറക്ടർ എം.എ. യൂസുഫലിക്ക് ചടങ്ങിൽ കൈമാറും.
ശ്രീമദ് വീരേശ്വരാനന്ദ സ്വാമികൾ, ശിവഗിരി മഠം ഉപദേശക സമിതി അംഗവും വ്യവസായിയുമായ ബാബുരാജ്, ഇന്ത്യൻ എംബസി പ്രതിനിധികൾ എന്നിവർ പങ്കെടുക്കും. 50 കുട്ടികൾക്ക് ഉന്നത വിദ്യാഭ്യാസ ധനസഹായം പദ്ധതിക്ക് വേദിയിൽ തുടക്കം കുറിക്കും.
10,12 ക്ലാസുകളിൽ ഉന്നത വിജയം നേടിയ വിദ്യാർഥികൾക്കുള്ള ശാരദാംബ എക്സലൻസ് അവാർഡിന്റെ വിതരണവും സാരഥിയുടെ ഭവന നിർമാണ പദ്ധതിയിൽ പൂർത്തിയാക്കിയ 11ാമത് വീടിന്റെ താക്കോൽ നിർവഹണവും വേദിയിൽ നടക്കും. പ്രശസ്ത പിന്നണി ഗായകർ ഹരിചരൺ ശേഷാദ്രി, ശിഖ പ്രഭാകരൻ, ഡ്രമ്മർ കുമരൻ എന്നിവരുടെ നേത്യത്വത്തിൽ സംഗീതനിശയും അരങ്ങേറുമെന്ന് ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.