കുവൈത്ത് സിറ്റി: കല കുവൈത്തും ബാലവേദി കുവൈത്തും സംയുക്തമായി കുവൈത്തിലെ ഇന്ത്യൻ സ്‌കൂൾ വിദ്യാർഥികൾക്കായി സംഘടിപ്പിക്കുന്ന സയൻസ് ഫെസ്റ്റ്, സയൻഷ്യ-2023ലേക്കുള്ള രജിസ്‌ട്രേഷൻ പുരോഗമിക്കുന്നു.
സബ്ജൂനിയർ, ജൂനിയർ, സീനിയർ വിഭാഗങ്ങളിലായി സയൻസ് ഫെയർ, മാത്തമാറ്റിക്‌സ് ഫെയർ, സോഷ്യൽ സയൻസ് ഫെയർ, വർക്ക് എക്സ്പീരിയൻസ് ഫെയർ, ഐ.ടി ഫെയർ എന്നിങ്ങനെ വ്യത്യസ്തങ്ങളായ ഇനങ്ങളിലായിരിക്കും മത്സരങ്ങൾ. ഏപ്രിൽ 28ന് രാവിലെ എട്ടു മുതൽ ഖൈത്താൻ കാർമൽ സ്‌കൂളിലാണ് സയൻഷ്യ- 2023. ഫെസ്റ്റിനോടനുബന്ധിച്ച് സംഘടിപ്പിക്കുന്ന സയൻസ് സെമിനാറിൽ എം.ജി കോളജ് അസിസ്റ്റന്റ് പ്രഫസർ ഡോ. വൈശാഖൻ തമ്പി മുഖ്യാതിഥിയായി പങ്കെടുക്കും.
സയൻഷ്യ-2023 സംബന്ധിച്ചുള്ള വിശദാംശങ്ങൾക്കും രജിസ്ട്രേഷനും കലയുടെ https://kalakuwait.com എന്ന വെബ്‌സൈറ്റ് സന്ദർശിക്കാവുന്നതാണ്. കൂടുതൽ വിവരങ്ങൾക്ക് 97482916, 66698116, 51714124, 50855101,9493 3192 എന്ന നമ്പറിലും ബന്ധപ്പെടാം. രജിസ്‌ട്രേഷൻ അവസാന തീയതി 20-04-23.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.