മന്ത്രിസഭ പ്രതിവാര യോഗം അറബ്-ഇസ്‌ലാമിക് ഉച്ചകോടി അവലോകനം ചെയ്തു

കു​വൈ​ത്ത് സി​റ്റി: മ​ന്ത്രി​സ​ഭ​യു​ടെ പ്ര​തി​വാ​ര യോ​ഗം പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് ന​വാ​ഫ് അ​ൽ അ​ഹ്മ​ദ് അ​സ്സ​ബാ​ഹി​ന്റെ അ​ധ്യ​ക്ഷ​ത​യി​ൽ ചേ​ർ​ന്നു.

സൗ​ദി അ​റേ​ബ്യ​യി​ലെ റി​യാ​ദി​ൽ സ​മാ​പി​ച്ച അ​സാ​ധാ​ര​ണ​മാ​യ അ​റ​ബ്-​ഇ​സ്‌​ലാ​മി​ക് ഉ​ച്ച​കോ​ടി മ​ന്ത്രി​സ​ഭ അ​വ​ലോ​ക​നം ചെ​യ്തു. ഉ​ച്ച​കോ​ടി​യി​ൽ കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ് ന​ട​ത്തി​യ പ്ര​സം​ഗ​വും മ​ന്ത്രി​സ​ഭ ച​ർ​ച്ച​ചെ​യ്തു.

ഗ​സ്സ​യി​ലെ ര​ക്ത​ച്ചൊ​രി​ച്ചി​ൽ ഉ​ട​ന​ടി അ​വ​സാ​നി​പ്പി​ക്കു​ന്ന​തി​നും ഫ​ല​സ്തീ​ൻ ജ​ന​ത​ക്ക് അ​ന്താ​രാ​ഷ്ട്ര സം​ര​ക്ഷ​ണം ന​ൽ​കു​ന്ന​തി​നു​മു​ള്ള ഉ​ത്ത​ര​വാ​ദി​ത്തം ഏ​റ്റെ​ടു​ക്കാ​ൻ അ​ന്താ​രാ​ഷ്ട്ര സ​മൂ​ഹ​ത്തോ​ട്, പ്ര​ത്യേ​കി​ച്ച് യു.​എ​ൻ സു​ര​ക്ഷാ കൗ​ൺ​സി​ലി​നോ​ട് പ്ര​സം​ഗ​ത്തി​ൽ കി​രീ​ടാ​വ​കാ​ശി ആ​വ​ശ്യ​പ്പെ​ട്ടി​രു​ന്നു. വി​ദേ​ശ​കാ​ര്യ മ​ന്ത്രി ശൈ​ഖ് സ​ലിം അ​ബ്ദു​ല്ല അ​ൽ ജാ​ബി​ർ അ​സ്സ​ബാ​ഹ് ഉ​ച്ച​കോ​ടി​യു​ടെ അ​ന്തി​മ നി​ല​പാ​ടു​ക​ൾ മ​ന്ത്രി​സ​ഭ​യി​ൽ വി​ശ​ദീ​ക​രി​ച്ചു.

ഫ​ല​സ്തീ​നി​ക​ളു​ടെ അ​വ​കാ​ശ​ങ്ങ​ൾ​ക്ക് ഊ​ന്ന​ൽ ന​ൽ​കി​ക്കൊ​ണ്ട് ഒ.​ഐ.​സി​യും അ​റ​ബ് ലീ​ഗും പു​റ​പ്പെ​ടു​വി​ച്ച പ്ര​മേ​യ​ങ്ങ​ൾ ന​ട​പ്പാ​ക്കേ​ണ്ട​തി​ന്റെ പ്രാ​ധാ​ന്യം ഉ​ച്ച​കോ​ടി​യി​ൽ ഊ​ന്നി​പ്പ​റ​ഞ്ഞ​താ​യും വ്യ​ക്ത​മാ​ക്കി.

ദേ​ശീ​യ അ​സം​ബ്ലി​യു​മാ​യി സ​ഹ​ക​രി​ച്ച് മു​ന്നോ​ട്ടു​പോ​കാ​നു​ള്ള താ​ൽ​പ​ര്യം മ​ന്ത്രി​സ​ഭ വ്യ​ക്ത​മാ​ക്കി. ദേ​ശീ​യ അ​സം​ബ്ലി​യു​ടെ വ​രാ​നി​രി​ക്കു​ന്ന സെ​ഷ​നു​ക​ളും സ്റ്റേ​റ്റ് ഓ​ഡി​റ്റ് ബ്യൂ​റോ 2022-2023 റി​പ്പോ​ർ​ട്ടും പ്ര​തി​വാ​ര യോ​ഗ​ത്തി​ൽ ച​ർ​ച്ച ചെ​യ്ത പ്ര​ധാ​ന വി​ഷ​യ​ങ്ങ​ളാ​ണെ​ന്ന് കാ​ബി​ന​റ്റ്, നാ​ഷ​ന​ൽ അ​സം​ബ്ലി കാ​ര്യ മ​ന്ത്രി എ​സ്സ അ​ൽ ക​ന്ദ​രി പ​റ​ഞ്ഞു.