ബഷീർ മുഹ്യുദ്ദീനെ കുവൈത്ത് വിമാനത്താവളത്തിൽ സ്വീകരിക്കുന്നു
കുവൈത്ത് സിറ്റി: ഗോൾഡൻ ജൂബിലിയുടെ ഭാഗമായി കേരള ഇസ്‌ലാമിക് ഗ്രൂപ് (കെ.ഐ.ജി) കുവൈത്ത് സംഘടിപ്പിക്കുന്ന ഖുർആൻ സമ്മേളനവും ഫലസ്തീൻ ഐക്യദാർഢ്യവും വെള്ളിയാഴ്ച. വൈകീട്ട് ആറുമുതൽ മസ്ജിദുൽ കബീർ ഓഡിറ്റോറിയത്തിൽ നടക്കുന്ന സമ്മേളനത്തിൽ ബഷീർ മുഹ്‌യുദ്ദീൻ ‘ഖുർആൻ വിളക്കും വെളിച്ചവും’ വിഷയത്തിൽ മുഖ്യപ്രഭാഷണം നടത്തും.
‘ചോരയിൽ കുതിർന്ന ഫലസ്തീൻ’ വിഷയത്തിൽ കെ.ഐ.ജി വൈസ് പ്രസിഡന്റ് ഫൈസൽ മഞ്ചേരി പ്രഭാഷണം നിർവഹിക്കും. രാവിലെ ഒമ്പതു മുതൽ ഇസ്‌ലാമിന്റെ ചരിത്രവും വർത്തമാനവും പറയുന്ന വിപുലമായ എക്സിബിഷൻ പ്രത്യേകം സജ്ജമാക്കിയ സ്റ്റാളുകളിൽ നടക്കും. സമ്മേളനത്തിൽ പങ്കെടുക്കാൻ കുവൈത്തിലെത്തിയ ബഷീർ മുഹ്‌യുദ്ദീന് കുവൈത്ത് അന്താരാഷ്ട്ര വിമാനത്താവളത്തിൽ പ്രവർത്തകർ സ്വീകരണം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.